Vikan - 31.05.1979, Blaðsíða 24

Vikan prófar léttu vínin
22. Portúgölsk rósavín
Heimsmet minnsta
vínkaupmannsins
Sá vínkaupmaður, sem hefur á
boðstólum heimsins minnsta úrval af
léttum vinum, býður upp á heimsins
ntesta úrval af portúgölskum rósa-
vínum. Þessi sérkennilegi vinkaupmaður
er auðvitað Áfengis- og tóbaksverslun
ríkisins.
Rikið, sem selur aðeins 62 tegundir
hvítvina og 50 tegundir rauðvína frá
öllum heimshornum, hefur hvorki
meira né minna en 11 portúgölsk rósa-
vin á söluskránni. Til samanburðar má
nefna, að algengt er. að erlendir kaup-
menn hafi á boðstólum um 200 rauðvín,
svipað af hvitvínum og eitt einasta
portúgalskt rósavín.
Hér liggur auðvitað að baki mis-
lukkuð tilraun íslenskra yfirvalda til að
jafna viðskiptin við Portúgal. En slíkt
gerist bara ekki með því að fylla
geymslur Ríkisins af viðkvæmum
vínum, sem ekki seljast vel og enda með
því aðskemmast.
Selja meira rósavín en púrtvín
Til að fullnægja öllu réttlæti þarf að
taka fram, að Portúgalar eru taldir
kunna vel til rósavinsgerðar. Þeir flytja
svo mikið af slíku vini úr landi, að gjald-
eyrisverðmætið er meira en fyrir allan
púrtvínsútflutning þeirra.
Eins og aðrir framleiða Portúgalar sitt
rósavín með þvi að hafa vínberjahýðið
með í upphafi gerjunarinnar og skilja
það síðan frá. Segja má þvi, að bruggið
byrji eins og á rauðvini og endi eins og á
hvítvíni.
Sérgrein Portúgala í rósavinsgerð er
gosvínið, sem er uppistaðan í út-
flutningnum. Gosið er ekki náttúrlegt
eins og i kampavini, heldur er vinið fryst
og siðan þrýst i það koldíoxiði. Gosið
gefur víninu frisklegt bragð.
Málamiðlun í hvcrsdagslegum
svaladrykk
Meðal sérfræðinga eiga rósavín erfitt
uppdráttar. Þau eru yfirleitt einkar ilm-
dauf og hlutlaus á bragðið og eru oftast
afgreidd sem hversdagslegur svala-
drykkur. Samt er vinandamagn þeirra
hið sama og annarra léttra vína.
Löngum hafa menn haft tröllatrú á
þeirri firru, að hvítvin eigi að drekka
með fiski og rauðvín með kjöti. Rökrétt
framhald þessarar villutrúar er, að rósa-
vin sé heppilegt sem eitt vín, þegar súpa
eða fiskur er undanfari kjöts.
Ennfremur, að rósavin sé heppilegt með
léttu kjöti, svo sem kjúklingum.
Þar á ofan verður rósavin oft fyrir
valinu, þegar vitað er eða búist við, að
sumir matargestir séu meira fyrir rauð-
vín og aðrir fyrir hvítvin. 1 þessu efni
eins og oftar er rósavinið hin dæmigerða
málamiðlun.
1 rauninni er rósavín engin sjálfsögð
málamiðlun milli rauðvins og hvítvíns,
hvorki vegna matartegunda né smekks-
tegunda. Hvítvín og rauðvin geta hvort
á sinn hátt verið góð vín, en rósavin er
og verður sjaldan annað en hvers-
dagslegt.
Málamiðlun í rósavini verður þvi oft
eins og dæmigerð málamiðlun i stjórn-
málum. Úr tveimur athyglisverðum og
gildum sjónarmiðum er fundin mála
miðlun, sem er einskis virði.
Ekkert náði sjö í einkunn
í gæðaprófun Vikunnar á ellefu
portúgölsku rósavínunum náði ekkert
sjö í einkunn eða þeirri umsögn, að það
væri gott. Tvö náðu sex i einkunn, fimm
náðu fimm og fjögur náðu fjórum í éin-
kunn. Ekkert þeirra var beinlinis
ódrykkjarhæft.
Best dæmdist TROVADOR frá
Borges & Irmao. Það var Ijósrautt að lit
með örsmáum loftbólum. Ilmurinn var
daufur, en friskur, og svipað mátti segja
um bragðið. Einkunnin varð sex og
verðið er 1.700 krónur. svo að hér er um
mjög góð kaup að ræða.
Næst kom BARROS frá Barros.
Almeida & Ca. Það var gullinbrúnt að
lit með stórum loftbólum. Að því var
beiskt, en hressandi og ákveðið freyði-
vinsbragð. Einkunnin varðsex og verðið
er 1.700 krónur, svo að hér er einnig um
mjög góð kaup að ræða.
Þriðja í röðinni og best þeirra, sem
fengu fimm i einkunn, var MATEUS frá
Sogrape. Það var mjög líkt Barros.
gullinbrúnt að lit með stórum loftbólum.
Freyðivinsbragðið var beiskt og raunar
ögn sætt lika. Einkunnin varð fimm.
Verðiðer 1.700 krónur.
Svo kom 3 CAVALEIROS frá
Monteiro & Feilhos. Það var gullinbleikt
sem appelsína og hafði stórar loftbólur.
Freyðivínsbragðið minnti mjög á
Mateus, sem sagt er frá hér að ofan.
beiskt og sætt i senn. Einkunnin varð
fimm. Verðið er 1.700 krónur.
Siðan kom FONSECA frá
Guimaraens. Það var gullinbrúnt að lit
með smáum loftbólum. Lyktin var
einkar dauf og bragðið einkar hlutlaust.
Dæmigert vín upp í fintm i einkunn.
Verðiðer 1.700 krónur.
Þá kom QUINTO DO REI frá
Messias. Á flöskunni stóð, að vínið væri
dálitið freyðandi, en i rauninni var það
alveg loftbólulaust, gullinbrúnt að lit.
Af 'ví var svolítil sætulykt. enda var
otagðið fremur sætt. Einkunnin varð
fimm. Verðiðer 1.700 krónur.
Sjöunda vinið og hið síðasta með
fimm í einkunn var CASAL MENDES
frá Alianca. Það var gullinbrúnt að lit
með stórum loftbólum. 1 lyktinni örlaði
fyrir brennisteini og bragðið var i senn
súrt og sætt. Verðið er 1.850 krónur og
er þetta eina portúgalska rósavinið, sem
ekki kostar 1.700 krónur.
Fyrst þeirra. sem fengu fjóra i ein-
kunn, kom CASTELLO REAL frá
Nationais. Það var gullinbleikt vin án
loftbóla, með votti af brennisteini i
lyktinni og með herptu en hlutlausu
bragði. Verðiðer 1.700 krónur.
Næst kom MESSIAS frá Messias. Á
flöskunni stóð, að vinið væri þurrt. en
það reyndist hins vegar fremur sætt og
raunar líka súrt um leið. Þetta var loft-
bólulaust vín, gullinbrúnt að lit. Verðið
er 1.700 krónur, einkunnin fjórir.
Næstaftast kom svo PASSAL frá
Henriques. Það var ljósrautt að lit og
loftbólulaust, hafði brennistein i lyktinni
og var sætvæmið á bragðið. Einkunnin
var fjórir og verðið 1.700 krónur.
Lestina rak síðan FAISCA frá
Fonseca. Það var Ijósrautt að lit með
meðalstórum bólum. Lyktin var eins og
af ákaflega daufu uppþvottavatni og
bragðið var i senn örlítið súrt og beiskt.
Einkunnin var fjórir og verðið 1.700
krónur.
1 næstu Viku snúum við svo okkur að
öðrum rósavínum en hinum
portúgölsku.
Jónas Kristjánsson
1 nœstu Viku: ,
Ymis rósavín
24 Vikan 22. tbl.