Vikan - 20.03.1980, Blaðsíða 17

— Já. og reyndar má teljast furðulegt
að svo varð ekki. En ég hef alltaf verið
eindregið á móti þvi að skerða athafna-
frelsi einstaklingsins. Ófrelsi hefur alltaf
verið mér eitur i beinum. Það getur
aldrei orðið mikið um framfarir hjá
þjóðfélagi sem refsar fólki fyrir dugnað.
Sá sem leggur mikið á sig vill líka fá að
uppskera í samræmi við það. Þetta er
það snar þáttur mannlegrar náttúru að
hann verður aldrei numinn burt úr fari
einstaklingsins.
— Mér fannst sá mánuður sem ég
eyddi á námskeiði i Austur-Þýskalandi
árið 197Í blátt áfram talandi dæmi um
neikvæð áhrif þessarar stefnu. Ég held
að þessi mánuður hafi verið dapur-
legasta timabil lífs míns. Ófrelsi og ótti
við yfirvöld einkenndu alla og ég get
ekki ímyndað mér að þetta þjóðskipulag
leiði til annars en mannlegs hruns. Ég
get tekið sem dæmi að ég kom þar eitt
sinn á hárgreiðslustofu síðdegis og þrátt
fyrir að allir stólar stæðu auðir var mér
sagt að allt væri upppantað. Seinna fékk
ég svo skýringuna á þessu: Stúlkurnar
fengu aðeins laun fyrir að afgreiða 40
viðskiptavini á dag og sáu svo auðvitað
enga ástæðu til að taka að sér fleiri
launalaust.
— Nú gekk sú saga að þú hefðir eytt
óhemju fjármunum til að auglýsa sjálfa
pv 'v. 1 1 '• ÉkJ

þig fyrir prófkjörið og m.a. sótt þá til
verslunar sem þú rekur?
— Það er svona álíka sannleikskorn i
þessu eins og nafngiftunum. Ég held ég
megi fullyrða að ég eyddi minna fé til
þess arna en flestir aðrir. Ég birti sína
auglýsinguna i hvoru blaði, Vísi og
Dagblaðinu, og gaf svo út smápésa með
upplýsingum um mig. Hins vegar er rétt
að við hjónin höfum síðan 1976 rekið
saman verslunina Rósenthal að
Laugavegi 86. En sá rekstur varð nú
eiginlega til fyrir tilviljun. Ég starfaði
um tíma sem flugfreyja og keypti mér þá
stundum vörur frá Rósenthal erlendis.
Ég fór að grennslast fyrir um umboð á
þessum vörum hér heima, þeir sendu
mann hingað og allt í einu var ég líka
Ég held að hin
kröppu kjör okkar
og mikil erflðis-
vinna móður
okkar hafl átt sinn
snara þátt í því að
ég var snemma
staðráðin í að leita
mér hagnýtrar
menntunar.
Samkvæmt upp-
runa mínum hefði
ég átt að verða
mjög vinstri
sinnuð. En ófrelsi
hefur alltaf verið
mér eitur í beinum.
komin á kaf í verslunarrekstur. En það
er afskaplega langt frá því að hún hafi
malað okkur gull. Flestar verslanir hér á
landi búa við mikla rekstrarörðugleika,
bæði vegna óðaverðbólgu og þeirrar
undarlegu stjórnarstefnu að þjarma
stöðugt að versluninni þó hún sé nú orðið
nánast eini atvinnuvegur landsins sem
ekki er að einhverju leyti ómagi á ríkinu.
Óánægja með
stuðningsflokkinn
— Hvað olli því að þú ákvaðst að
leggja út í prófkjör?
— Aðallega óánægja mín með
stuðningsflokk minn, Sjálfstæðis-
flokkinn. Mér finnst hann ekki hafa
staðið við stefnuskrá sína á þeim undan-
farandi kjörtímabilum sem hann hefur
setið i stjórn. Og mér fannst nóg komið
af óánægjuröddum sem kvaka hver í
sínu horni án þess að vilja gera neitt í
málinu. Þar að auki hef ég mjög
fastmótaðar skoðanir sem mig langar til
að koma á framfæri.
— Hver var reynsla þín af þessu próf-
kjöri?
— Hún var nú bæði jákvæð og
neikvæð. Ég kynntist þarna alveg
skinandi fólki, sérstaklega hér á
Suðurnesjum, og mér fannst þessi
kosningabarátta auka mjög skilning
minn á þjóðmálunum í heild.Hins vegar
fannst mér afar neikvætt að sjá hvað
gamla, góða flokksvélin er í raun og veru
áhrifamikil í þessum prófkjörum, hvort
sem þaðer nú viljandi eða ekki. Mér var
t.d. láð það að ég hefði ekki verið flokks-
bundin nógu lengi, en ég gekk ekki opin-
berlega i Sjálfstæðisflokkinn fyrr en i
fyrra. Ég hafði sem sagt ekki farið hina
hefðbundnu leið með virkri þátttöku i
ýmislegum félagsstörfum, eins og það er
kallað. Því miður virðist rik tilhneiging
til að lita á þingmennsku sem nokkurs
konar ævilanga umbun fyrir vel unnin
störf í þágu flokkanna og til að ná því
takmarki verður fólk að feta nokkurs
konar embættismannastiga. I>etta
verður til þess að nýir kraftar með
ferskar hugmyndir komast ekki að. Við
búum í raun og veru við afar íhaldssamt
þjóðfélag og þó boðað sé til breytinga
vill fljótt sækja í sama farið. Enda er
ekki nóg með það að litið sé á þingsetu
12. tbl. Vikan 17