Vikan - 17.07.1980, Síða 28

Jónas Kristjánsson skrifar um fimm bestu veitingahús Árósa
Frabær þjónusta
á „fína" staðnum
Kellers Gaard er hið hefðbundna fyrsta
flokks veitingahús Árósa. Þar borða
menn, ef þeir vilja mikið við hafa. Eng-
inn efast um, að þetta sé „fíni” staðurinn
i Árósum, þótt margir efist um, að hann
sé sá besti.
Engum blóðum er um að fletta, að
Kellers Gaard er meðal fimm bestu veit-
ingahúsa borgarinnar. Ég hef sett hann i
fjórða sæti, næst á undan Jacob's
BarBQ, sem lýst var í siðustu Viku. En
Kellers Gaard er líka tvöfalt dýrari cn
Jacob's.
Hvorugt þessara veitingahúsa fylgir
hinni nýju, frönsku eldamennsku, sem
var svo mjög til umræðu í greinaflokkn
um um fimm bestu veitingahús Kaup-
mannahafnar. Enda eru Árósar senni-
lega eins og Reykjavík í meiri menning-
arfjarlægð frá París.
Jacob’s var góður fulltrúi hefðbund-
innar matreiðslu Miðjarðarhafsins aust-
a’nverðs. Á sama hátt er Kellers Gaard
góður fulltrúi hefðbundinnar matreiðslu
hinnar frönsku Evrópu. þar á meðal
Danmerkur, matreiðslu Escoffier-tím-
ans.
Elst í bænum
Það fer vel á því, að í Árósum skuli
þetta gamla og virðulega skeið matar-
gerðarlistar vera best stundað I elsta
veitingahúsi borgarinnar. Á þessum stað
við Frederiksgade 84—86 hefur verið
rekið veitingahús frá átjándu öld.
Núverandi hús er rúmlega 100 ára.
Einn fyrsti veitingamaðurinn hét Peter
Keller, frægur fyrir góðan mat. Veit-
ingahúsið heitir eftir honum, sjálfsagt
með það i huga. að fræg matseld svifi
þaráfram vfir vötnum.
Á Kellers Gaard eru dökkar viðarþilj-
ur. bitar I lofti og brúnleitt teppi á gólf-
um. Steindar rúður eru í smárúðóttum
gluggunum. Ljósakrónur og veggljóseru
með sérkennilegum glerkúplum. Á
borðum er rósótt postulín.
Frábær þjónusta
Blómstrandi ástareldur á hverju borði
var til marks um natni við að láta um-
hverfið gleðja gesti. Sama er að segja um
þjónustuna. Hún var frábær. elskuleg,
vandræðalaus og ákveðin. Hún var satt
að segja svo góð. að betri þekki ég ekki.
Vínlistinn var mjög fjölbreyttur, þótt
stuttur væri og teldi aðeins 28 létl vín.
Þar mátti sjá allt frá hálfflösku af rauð-
vini hússins á 32 krónur upp í flösku af
Chateau Mouton Rotschild 1973 á 395
krónur, drykkjarhæft eftir nokkur ár.
Bestu kaupin voru þóekkiskráðá vin-
listann. Þegar þjónninn heyrði áhuga
minn á Chablis, bauð hann upp á
Vaudésir 1974, Chablis Grand Cru. á
120 krónur. Þetta var smánarverð fyrir
vín af langbesta akri Chablis-vína.
Vaudésir.
Matseðillinn er i hefðbundnum stil
með níu forréttum, fjórum súpum, fimnt
fiskréttum, tíu kjötréttum, fimm eftir-
réttum og þremur ostréttum. Þessi 36
rétta seðill er eins frá degi til dags. þótt
árstiðirkomiogfari.
Of langvinn eldun
Smjörsoðnir vínakrasniglar í kuðung-
um með krömdum laukbitum og ristuðu
brauði voru meðal forrétta og kostuðu
36 krónur. Þeir voru fullmikið soðnir,
svo sem venja er í hinni hefðbundnu
matreiðslu.
Hvitvins-gufusoðnir humarhalar i
skelinni kostuðu 54 krónur. Þeir voru
bragðdaufir. Þeir voru sagðir safran
kryddaðir. en það bragð fannst ekki.
Mest bragðið var af paprikunni I hris-
grjónunum. Hvítvinssósan. sem fylgdi.
varbragðgóð
Þtiðji forrélturinn, sem við prófuðum.
var flak af flatfiski („sötunge”), fyllt með
humarblönduðu fiskhakki og humar
bitum. Mjög góður matur á 48 krónur.
Með honum fylgdi góð Amerikusósa og
hrísgrjón með paprikubitum.
Úr hópi fiskrétta sem aðalrétta
völdum viðsteikta smálúðu á 65 krónur.
Hún var ekki góð, enda allt of mikið
steikt. Þá var hún meðgifurlegu magni
af sítrónublönduðu, bráðnu smjöri og
hveitisveppasósu.
Piparsteikin kostaði 88 krónur. Kjötið
I henni var ekki nógu gott, en piparnotk-
unin var hófleg. Hún var borin fram
með frönsku Dijon sinnepi, heilum,
grænum piparkornum, bakaðri kartöflu
og eldsteikt við borðið.
Langbesti rétturinn, sem prófaður
var, reyndist vera „Boeuf café de Paris”,
nautahryggvöðvi, fyrst steiktur og siðan
ofnbakaður i smjöri. Hann hefði að vísu
mátt vera minna steiktur, en var þó
mjög góðuí. Verðið var 88 krónur.
Af ostunum varð franskur Brie fyrir
valinu á 30 krónur. Hann var góður. en
nokkuð þéttur. Með honúm fylgdi ein-
staklega góður vatnsís eða kraumís
(„sorbet”) með vinberjabragði.
Kellers púns á 28 krónur var mjög
góður ís með mögnuðu áfengisbragði.
Þriðji og síðasti eftirrétturinn, sem
prófaður var, Brasilíu-isparfait, var
blanda af eggjarauðum, þeyttum rjóma,
sykri. súkkulaði og kakólíkjör á 29
krónur. Súkkulaðibragðið var nokkuð
áberandi, en rétturinn að öðru leyti
góður.
Kaffið á eftir var ágætt og pressað
LAZY-MA\ MODEL 800
GAS GRILL
HEILDVERSLUN y
G. HINRIKSSONh/f
SKÚLAGATA 32 - REYKJAVÍK - SÍMI 24033
MEST SELDU
GASGRILLIN í
BANDARÍKJUNUM.
ENGIN KOL.
ÓDÝR í REKSTRI.
28 VikanZ9<tbl.