Vikan - 16.07.1981, Qupperneq 60

Árangur vetrarins í umdeildum
skóla
Myndlista- og handíöaskóli íslands hefur verið talsvert
i fréttunum á þessu ári. Tilefnið hefur meðal annars
verið tilvist nýlistadeildar við skólann og sýnist sitt
hverjum um ágæti hennar eins og gengur. En skólinn
heldur áfram og útskrifar á hverju ári fjölda nemenda
og fleiri sækja um hann en komast. Til að sjá hvað
nemendur í skólanum væru að gera allan veturinn var
auðvitað nærtækast að líta á vorsýninguna síðastliðið
vor og líta eigin augum afrakstur vetrarins. Og for-
vitnir geta séð hvað þar var á ferð í næstu Viku.
í næstu Viku kynnir
Vikan írland
Ef til vill er engin þjóð í heiminum okkur skyldari en
írar. Ástæðan er vitanlega léttlyndið í víkingunum sem
komu frá Noregi og héldu síðan til íslands með feng
sinn. En þó fólkið sé llkt í útliti er írskt menningarlíf
og íslenskt ólíkt. Ætli ofurástin á páfanum og
Guinnessbjórnum ráði ekki nokkru þar um. En allt um
það, írland er gott land að koma til. íslendingar eru
þar líka aufúsugestir. Þar er margt skemmtilegt að sjá
og gera, spila golf, veiða, sigla eða þá bara ferðast á
venjulega mátann. Svo er líka hreint unaðslegt að
setjast inn á góða krá þegar líða tekur á daginn (eða
kvöldið öllu heldur), fá sér góðan bjór og hlusta á létta
og skemmtilega írska tónlist í sínu rétta umhverfi.
Sólböð
Enn eru tækifæri góð til að fara í sólbað, bæði innan-
lands og utan. En það er ekki sama hvernig farið er í
sólbað — og í næstu Viku gefum við nokkur hollráð
um þessa hátíðlegu athöfn.
60 Vikan 29. tbl.