Vikan - 16.07.1981, Blaðsíða 9

smekk. Þarna eru líka veitingahús á
hverju strái og dyggum Vikulesendum
er bent á leiðsögn Jónasar um þau i
fyrrasumar í Vikunni.
Gondólar á móti
umferðinni
Þeir sem kjósa mannlifið komast fljótt
að raun um að tveir möguleikar eru allra
kosta vænstir. Að setjast á úti-
veitingahús (sem er skynsamlegast eftir
heimsókn í Hertogahöllina) eða rölta af
stað. Veitingastaðirnir við Markúsar-
torgið eru dýrastir en Markúsartorgið er
nú einu sinni . . og svo framvegis, svo
margir falla i freistni. Röltið getur leitt
menn á ýmsar slóðir. Ef þeir nema
staðar á einhverri brúnni sjá þe'r
kannski farkosti Feneyinga fara fram og
til baka og ef nánar er að gáð má ef til
vill koma auga á göndóla þverbrjóta
allar umferðarreglur, aka á móti
einstefnu og beygja þar sem harðbannað
er að beygja. Aðrir bátar fara hins vegar
eftir skiltunum. Líklega eru gondólarnir
á undanþágu í umferðinni í Feneyjum.
Siglt inn í fortíðina
Sendiferðabátar þeysa um Stórasíki
fullir af kókkössum á þvílíkum hraða að
menn sannfærast fljótt um að einhvers
staðar hljóti einhver að vera að sálast úr
þorsta. Og ef þér dettur i hug að bíða
eftir vaporetto síkisstrætó þá kemstu
fljótt að raun um að þeir stoppa ekki
allir á þinni stoppistöð. En iðandi
mannlífið og fjölbreyttir farkostir sem
fram hjá fara gera ferð til Feneyja að
ævintýri sem enginn gleymir. — Og í
ljósaskiptunum er svo stundum farið í
gondóla, siglt inn i fortiðina með skap-
góða söngvara á einhverjum
gondólanum, ólýsanlegt ævintýri, sem
er hafið yfir alla gagnrýni.
Það sem minnisstæðast er úr slíkri
ferð er kannski fólkið sem kemur út í
gluggana og veifar og samgleðst svo
innilega að allir hljóta að hrífast með.
Gondólar dagsins í dag eru svo sem ekki
bráðnauðsynleg samgöngutæki lengur
en þeir eru ómissandi í borg sem
Feneyjum, ferðamönnum skemmtilcg
upplifun og ræðurunum lifsafkoma yfir
sumartímann. Á vetrum fellur á þá
snjóföl, þegar þannig viðrar, en þeir eru
tilbúnir að vori að taka við nýjum ferða
mönnum og ferja þá um Feneyjar.
29. tbl. Vikan 9