Vikan - 10.12.1981, Side 15

Tónlist
*
I
MATCH
BOX
Breska hljómsveitin Matchbox er svo
kölluð rokkabillý-hljómsveit og flytur
ekki óvipaða tónlist og Shakin’ Stevens
og Stray Cats svo nefndir séu þekktustu
flytjendur þessar tónlistar um þessar
mundir. Rokkabillý er tónlist sem
hlýtur nafn sitt annars vegar frá rokki
og hins vegar frá hillbillý-músík enda
orðin til viðeins konar sambland þessara
tveggja tónlistarstefna um miðjan sjötta
áratuginn. Þá voru það Elvis Presley,
Bill Haley og Jerry Lee Lewis og aðal-
lagið Rockabillyrock.
Meðlimir Matchbox hafa starfað lengi
saman og núverandi liðsskipan haldist
síðan 1977. Árið 1979 náði lagið þeirra
Rockabilly Rebel miklum vinsældum og
fleiri slík fylgdu i kjölfarið.
Nýjasta plata Matchbox kom út í
september og nefnist Flying Colours.
Þar er að finna bæði gömul og ný lög,
fjörleg og grípandi í rokkabillý stíl.
Tónlistin er að mestu samin eða útsett
af Steve Bloomfield. Hann leikur á gítar,
stálgítar, mandólin og munnhörpu auk
þess sem hann syngur og eru vinsældir
Matchbox ekki síst honum að þakka.
Aðrir meðlimir eru Graham Fenton sem
syngur, Gordon Scott spilar á gítar og
banjó, Fred Poke á bassa, Jim Redhed á
trommur og Dick Callan á gítar og
saxófón.
„Þvflíkt og
annað eins"
Þá er komin út þriðja platan frá hljóm-
sveitinni Mezzoforte, Þvílíkt og annað
eins nefnist hún. Platan var tekin upp í
haust í London. Upptökustjóri var
Simon Heyworth, en hann hefur meðal
annars starfað með Mike Oldfield.
Mezzoforte gerðu það gott i
Bretlandsheimsókninni. Platan þeirra,
„Mezzoforte”, var skömmu áður gefin
út þar í landi. Þeir spiluðu hvergi vegna
þess að þeir fengu ekki atvinnuleyfi en
viðtal var við þá í breskum útvarps-
stöðvum og platan mikið spiluð og
kynnt. Sömuleiðis varð hún mjög vinsæl
á diskótekum og komst ofarlega á sölu-
lista (fyrir soul-plötur) samkvæmt
breskum músíkblöðum.
Þvílíkt og annað eins gefur fyrri
plötum Mezzoforte ekkert eftir. Þar er á
ferðinni sérlega vönduð og áheyrileg
tónlist sem án efa á eftir að heyrast oft
og lengi. í Mezzoforte eru: Friðrik
Karlsson, Eyþór Gunnarsson,
Gunnlaugur Briem, Björn Thorarensen
og Jóhann Ásmundsson. Tveir aðstoðar-
menn léku með á Þvilíkt og annað eins,
þeir Louis Jardin (slagverk) og Ron
Aspery (saxófónn).
Flest lögin á Þvílíkt og annað eins eru
eftir Friðrik Karlsson og Eyþór
Gunnarsson. Plötuumslagið er hannað
af Ernst Backman, prentað hérlendis.
Platan er sömuleiðis pressuð hér. Útgef-
andi er Steinar hf.
SO. tbl. Vikan xs