Vikan - 31.01.1985, Blaðsíða 33

I
Margir telja þrjár borgir
fegurstar í Frakklandi. Þær eru
Cannes, Vichy og Annecy. Allar
eiga þær það sameiginlegt að vera
hreinar og snyrtilegar. Allar eiga
þær glæstar byggingar og gnótt
náttúrufegurðar sem heillar
ferðamenn.
Cannes er við strönd
Miðjarðarhafsins og státar af bað-
strönd sem á fáa sína líka og er títt
nefnd í bókmenntum. Vichy býður
upp á heilsulindir auk þess að vera
sögulega merkileg. En Pétain
marskálkur stjómaði Frakklandi
þaðan um árabil meðan á seinni
heimsstyrjöldinni stóð. Annecy,
sem er skammt frá svissnesku
landamærunum, er líklega sú
þessara borga sem okkur er
ókunnust. Hún stendur við
stöðuvatnið Lac d’Annecy í Alpa-
fjöllunum og á sér ekki merkilega
sögu.
Gamli miðbærinn í Annecy er
dæmigerður miðaldabær. Efst gín
kastalinn, fyrrum aðsetur
höfðingjanna, en nú hýsir hann
minjasafn. Umhverfis kastalann
eru múrveggir og'utan þeirra eru
híbýli alþýðunnar, lágreist hús
sem sum hver eru varla annað en
ólögulegir kofar við þröngar
götur. Nú til dags em þessi hús
feikilega eftirsótt og eru seld dýru
verði. Það er mikil og útbreidd
tíska að gera upp gömul hús og
eru franskar borgir þar engin
undantekning. Endurbygging
gamla miðbæjarins í Annecy
hefur tekist fádæma vel. Núna
ríkir þar ævintýrastemmning og
auðvelt er að ímynda sér að
maöur sé staddur á sviðinu í
Kardemommubænum þegar
gengið er um öngstrætin. Þessi
gamli miðbær er gjaman kallaður
Feneyjar Frakklands þar sem
nokkur húsanna em umlukin vatni
en lítil á, sem á upptök sín í
Annecyvatninu, rennur í gegnum
bæinn.
Lítil veitingahús eru í hverju
húsi meðfram ánni. Á kvöldin,
þegar fjöldi matargesta er sem
mestur, er borðum bætt við úti á
gangstéttinni. Þaðan er hægt að
virða fyrir sér þetta notalega um-
hverfi, kyrrt vatniö og tígulega
svanina sem þar synda en líklega
hefur litla steinhúsið, sem áður
fyrr var stjómarráð og fangelsi,
mesta aðdráttaraflið. Sagt er að
enginn ljósmyndari fari frá
Annecy án þess að hafa tekið
mynd af því. Þó er hætt við að ein-
hverjir hafi farið þaðan án þess að
finna þennan miðbæ því hann
blasir ekki við. Einfaldast er að
fara niöur aö bátahöfninni á
bakka stöðuvatnsins og fylgja litlu
ánni. Það er þess virði.
Texti og myndir:
Guðlaug Guðmundsdóttir
5. tbl. Vikan 33