Vikan - 31.01.1985, Blaðsíða 4

Þær eru nokkrar, Suðurgöturnar á íslandi. Við eina þeirra,
nánar tiltekið Suðurgötu 53A í Hafnarfirði, stendur gamalt timbur-
hús sem ber þess merki að það á góða að til að hlúa að sér og
dekra við sig.
Þar sem húsið stendur var eitt sinn brunnur sem kallaður var
Kaldárbrunnur og mun fyrsta gosdrykkjaverksmiðja landsins hafa
fengið vatn sitt þaðan. Brunnurinn er nú undir borðstofugólfinu í
húsinu númer53A.
Núverandi eigendur, Valdimar Erlingsson og Unnur Þórðar-
dóttir, keyptu húsið í ágúst 1982, þá nýkomin frá námi í Kaup-
mannahöfn og með tvær hendur tómar. Húsið stóð við Hlíðar-
braut 10 ofan við St. Jósefsspítala í Hafnarfirði en var selt til flutn-
ings og 2. október var það komið á nýja staðinn og beið yfir vetur-
inn eftir að komast einnig í nýjan búning.
Þetta hús var byggt árið 1905 og var upphaflega 5 x 6 m, með
lágu þaki. í kringum 1940 var byggður við það að aftan lítill skúr,
þar sem borðstofan er nú, sem í gegnum árin hefur þjónað sem
hesthús, bakarí og baðherbergi. Þá var byggð við húsið forstofa
og WC og um 1947 var þakinu lyft og settir heilir kvistir báðum
megin.
Þegar vetri lauk og vorið var komið hófu nýju eigendurnir
endurbyggingu hússins. Valdimar, sem er sjálfur húsasmíðameist-
ari, naut hjálpar ættingja og vina og ári seinna, eða í júní á siðasta
ári, flutti fjölskyldan inn.
Þegar blaðamaður innti Valdimar eftir áliti ættingja og vina var
svarið: Einhverjum fannst þetta stórsniðugt en sumir kölluðu þetta
bjartsýnishöll og tengdafaðir minn neitaði fyrst í stað að koma og
skoða. Þetta hefur verið skemmtilegt, að vísu er okkur hjónunum
sérstaklega minnisstætt hvað okkur var kalt á meðan á sjálfum
húsflutningunum stóð, en þar hafa taugarnar trúlega verið að
verki. Það er mikill spenningur sem fylgir því að sjá hús lyftast af
grunni en um leið mikil gleðistund þegar flutningur er afstaðinn og
húsið komið heilu og höldnu á áfangastað.
4 ViKan S. tbl.