Vikan - 03.07.1986, Page 4

TEXTI: GUÐRÚN ALFfíEÐSDÓTTIfí
MYNDIfí: VALDÍS ÓSKAfíSDÓTT/fí
Fulltrúi íslands í keppninni
um andlit 9. áratugarins
var valinn við hátíðlega
athöfn á Hótel Sögu fyrir
skömmu. Sú sigursæla
varð Valgerður Backman,
19 ára Reykvíkingur. Fyrir
þessari keppni stendur hin fræga
módelmamma, Eileen Ford, en
umboðsmaður hennar hér á landi
er Katrín Pálsdóttir. Fulltrúi
Ford í dómnefnd hér að þessu
sinni var Tracy Kennedy Flynn
og brá hún út af venjunni og
valdi aðra stúlku auk Valgerðar,
Andreu Brabin. Hún fær módel-
samning og munu þær því báðar
þiggja boð Ford Models og halda
til New York nú í sumar til að
leggja drög að væntanlegum fyr-
irsætustörfum.
Aðalkeppnin um Face of
the 80’s fer fram í Holly-
wood eða Tucson í ágúst
1987 og verður sú 7. í röð-
inni. Þar mun Valgerður
keppa ásamt 23 öðrum
stúlkum víðs vegar úr
heiminum. Sigurverðlaunin
hljóða upp á heilar tíu milljónir
íslenskra króna og að auki fylgir
samningur hjá Ford Models til
þriggja ára. Það er því töluvert
í húfi fyrir Fordstúlkuna okkar
og við hæfi að óska henni alls
hins besta.
Andrea Brabin fær samning hjá
Ford Models og Valgerður Back-
man sigurvegari mun taka þátt í
alþjóðlegu keppninni Face of the
80's á næsta ári.
4 VIKAN 27. TBL