Vikan - 04.09.1986, Blaðsíða 19

Jón Kristjánsson.
„Andvígur því að leggja
tekjuskattínn niður“
Jón Kristjánsson alþingismaður:
Undanfarin ár hefur gagnrýni farið vaxandi
á tekjuskattinn á þeim forsendum að hann sé
launamannaskattur, leggist með mestum þunga
á launafólk en þeir sem eru með eigin atvinnu-
rekstur og fyrirtæki sleppi, annaðhvort vegna
þess að skattalögin eru götótt eða þá að neðan-
jarðarhagkerfi og nótulaus viðskipti eru í
gangi. Nú gengur svo langt að því vex fylgi að
afnema skattinn.
Ég er andvígur því að leggja tekjuskattinn
niður nema það sé ljóst hvað kemur í staðinn.
Óbeinir skattar leggjast með miklum þunga á
launafólk og ekki er séð að það sé tryggt að
niðurfelling tekjuskattsins auki ekki enn á
launa- og aðstöðumuninn í landinu sem þó er
ærinn fyrir.
Ég er þeirrar skoðunar að það eigi að herða
skattaeftirlit og fylla upp í þær smugur skatta-
laganna sem gera mönnum kleift að sleppa frá
réttlátum gjöldum til samfélagsins. Með því
yrðu byrðamar léttbærari og umfram allt rétt-
látari.
Tekjuskatturinn var hugsaður til jöfnun-
ar á aðstöðu manna og launajöfnunartæki.
Meðan ekki er sýnt fram á að annað komi í
staðinn, sem þjónar þessum markmiðum, er ég
andvígur því að leggja hann niður. Ég er þeirr-
ar skoðunar að það sé ekki stórmannlegt að
gefast upp fyrir skattsvikum, kerfið og eftir-
litið megi bæta og þá einnig þannig að skatt-
heimta dragi ekki úr framtaki manna til sjálfs-
bjargar.
Okkar álit
Tekjuskattur á einstaklinga er og hefur lengi
verið til vandræða. Talið er að ýmsir telji slak-
lega fram tekjur sínar og skammti sér skattinn
í litlu lagaskjóli. Það eru einvörðungu hreinir
launþegar sem tryggt má telja að skattlagðir
séu í samræmi við tekjur. Ég tel réttast að
leggja tekjuskatt niður í núverandi mynd og
einskorða tekjusköttun við álagningu útvars
sem yrði hærra hlutfall en nú er en álagningar-
stofn yrði með svipuðum hætti. Ég tel betra að
ríkið fái fyrst og fremst tekjur af óbeinum skött-
um.
María E.
Ingvadóttir
viðskipta-
fræðingur:
Tekjuskattur er hugsaður sem tekjujöfnun-
arskattur en hann nær ekki tilgangi sínum í
núverandi formi þar sem tekjuskattsstofn
manna ákvarðast út frá mjög misjöfnum for-
sendum.
Ef neyslan væri skattlögð, í stað teknanna
eins og með núverandi fyrirkomulagi, þá mundi
hver og einn borga skatt í samræmi við sína
neyslu, það er þeir greiddu mest sem mestu fjár-
ráðin hefðu.
Mikilvægt er að skattborgarar séu sáttir við
þær skattareglur sem í gildi eru. Það gildir um
allar reglur að ef þær þykja ósanngjarnar þá
reynir fólk að bjarga sér fram hjá þeim og af-
leiðingin í þessu tilfelli er þyngri skattbyrði á
færri herðar.
Kristínn
Sveinsson
bygginga-
meistari:
Þegar afnema á skatt, sem lagður hefur ver-
ið á um langan tíma, þarf að athuga þessi mál
mjög vel, ópólitískt og á mjög yfirveguðum
grundvelli svo að eftir aðgerðina stöndum við
betur, bæði greiðendur og ríkið.
Að sjálfsögðu þyrfti nýi skatturinn, ef af yrði,
að vera í sem einföldustu formi og vera hvetj-
andi til að telja rétt fram og allt þyrfti að nást
inn sem til er ætlast en á því virðist vera mik-
ill misbrestur nú að allt komi til skila.
Einstaklingar og fyrirtæki verða að hafa það
hugfast að undirstaða góðs rekstrar er gott og
rétt bókhald og framtal til að geta nýtt sér þá
peninga, sem koma inn, til fulls og að þeir séu
með öllu ffjálsir til ráðstöfunar og megi koma
í dagsins ljós. En margir hafa lent í erfiðleikum
út af slíku. Menn eiga að borga sína skatta
með gleði í samneysluna en gera jafnframt
kröfu til að þeir séu skynsamlega notaðir.
36. TBL VIKAN 19