Vikan - 10.09.1987, Blaðsíða 52

Reistí anda háieHra hugsjóna
Minnisvaröi um þá hermenn sem létust í Víetnamstríöinu.
Margir sem víða hafa ferðast telja Washington
D.C. til eftirlætisborga sinna. Hún er sannarlega
glæsileg að sjá með tilkomumiklum byggingum
og minnismerkjum. Washington D.C. er höfuð-
borg nýja heimsins og reist í anda háleitra
hugsjóna og drauma um framtíð ungrar þjóðar.
Hún ber svip evrópskra borga því þar leituðu
menn fyrirmynda. Breiðstræti og fagrir garðar
minna á París, hvítar byggingar og súlnagöng á
Aþenu og Róm.
Washingtonborg stendur á fögrum stað við
Potomacfljót á mörkum Virginíu og Marylands.
George Washington, fyrst forseti Bandaríkjanna,
valdi borgarstæðið en hann var engu að síður
eini forsetinn sem aldrei bjó þar. Grunnurinn að
borginni var lagður 1790. Mörg hinna nýstofnuðu
Bandaríkja vildu hafa höfuðborgina á sínu landi
og hart var deilt þar til ákveðið var að stofna
sérstakt umdæmi þannig að borgin tilheyrði engu
ríki. Þannig varð til District og Columbia,
skammstafað D.C., kennt við ungfrúna Columb-
iu sem er eins konar íjallkona þeirra vestra, tákn
Ameríku sem skáldin kölluðu Columbiu eftir
Kólumbusi. Borgin er því enn þann dag í dag
utan ríkjabandalagsins en háværar raddir eru
uppi um að gera hana að 51. ríki Bandaríkj-
52 VIKAN 37. TBL
i