Vikan - 15.09.1988, Blaðsíða 19

Hróbjartur Lúðvíksson skrifar
Menningu og hreysti
til framdráttar
Nú er það ung-
mennafélagið sem
gerir okkur erfítt
fyrir þessa dagana.
Þeir heimta að hér í héraðinu
verði haldið allsherjar hand-
knattleiksmót eftir tvö ár. En
til þess að það sé hægt þarf að
byggja íþróttahöll með nægi-
lega stórri áhorfendastúku.
Þeir hjá ungmennafélaginu
heimta að byggingarkostnað-
urinn verði settur á fjárhags-
áætlunina fyrir næsta ár.
Það á að senda tvo menn
suður til að reyna að fá það
samþykkt að mótið verði hald-
ið hérna fyrir norðan. Við þurf-
um víst að punga út fyrir far-
miðunum fyrir þá strax úr
tómum sveitarsjóði.
Þetta er mjög menningar-
legt og mikil Iyftistöng fyrir
sveitarfélagið, segja þeir hjá
ungmennafélaginu. Og þetta á
að örva allt íþróttalíf í hérað-
inu og efla almenna hreysti
ungs fólks.
Ég verð bara að segja það að
tímarnir eru breyttir frá mínu
ungdæmi ef menn geta ekki
haldið hreysti sinni við að
moka flórinn eða vera á rækju-
bát. Ég hef svo sem heyrt því
fleygt að heilsufari hafi mjög
hrakað síðan menn hættu að
slá með orfí og ljá.
Ég held bara að þeir séu
sumir spenntir fy’rir þessu í
hreppsnefndinni og telji að
þetta verði byggðarlaginu til
framdráttar. Þeir bændur sem
eru byrjaðir með ferðamanna-
þjónustu eru allir samþykkir
þessu.
Það er svo mikill hugur í
strákunum í ungmennafélag-
inu að þeir vilja fá þjálfara frá
Rússlandi til að æfa handbolta-
liðið í sveitinni því þeir eru
staðráðnir í að halda á lofti
merki sveitarinnar í aðal-
keppninni. Þeir segjast vera
öruggir um að komast í A-riðil.
Ungmennafélagið hefur þeg-
ar hafið áróðurs- og auglýs-
ingaherferð til að fá fólkið til
að knýja á okkur í hrepps-
nefndinni. Þeir eru líka búnir
að halda tvö ungmennafélags-
böll með tilheyrandi fylliríi og
þeir eru byrjaðir að selja happ-
drættismiða til ágóða fýrir
þjálfaramálið en svo verðum
við áreiðanlega krafðir um þá
aura sem upp á vantar. Slag-
orðið í þessu máli er heilbrigð
sál í hraustum líkama. Og hver
getur staðið gegn slíkri sann-
færandi bjartsýni.
Ég held bara að strákunum í
ungmennafélaginu fínnist við
vera afar óheilbrigðir í hrepps-
nefhdinni að hafa bara ekki
flaggað fyrir þessari snjöllu
hugmynd. Allavega lagði ég til
á síðasta fundi að það yrði að
hugsa málið gaumgæfilega
áður en farið væri að sam-
þykkja nokkrar svona tillögur.
Það er svo sem ekki beysið
ástandið núna í sveitinni.
Kaupfélagið á hvínandi kúp-
unni og sláturhúsið fær ekki
framlengingu á undanþágunni.
Rækjuvinnslan brást hrapa-
lega. Kúnum hefur fækkað
vegna kvótans. Sauðfénu á að
fækka verulega í haust sam-
kvæmt valdboði enda er ein-
hver slæmska í rollunum. Og
þeir sem fóru í refaræktina
báru sig svo illa að þeir fengu
skuldbreytingu og ný lán svo
þeir skrimti til næsta árs. Ég
veit ekki hvar á að taka pen-
inga til að byggja nýja íþrótta-
höll.
En strákarnir sækja þetta fast
og vilja að ég verði sendur
suður ef ég sé samþykkur
íþróttahöllinni. Þeir segja líka
að ég geti fengið aukastarf við
þetta og ef ég fari á dómara-
námskeið hjá Handknattleiks-
sambandinu geti ég að
minnsta kosti orðið línuvörð-
ur.
En er annars nokkur línu-
vörður í handbolta?
Þeir í ungmennafélaginu heimta að hér í hérað-
inu verði haldið allsherjar handknattleiksmót eftir
tvö ór...
VIKAN 19