Vikan - 15.09.1988, Blaðsíða 34

Sterkir litir einkenna klæðaburð og
skreytingarlist Mexíkana og ber staður-
inn í Kringlunni keim af því. Á upplýstu
myndasjaldi fyrir ofan afgreiðsluborðið
eru stórar myndir af öllum réttum stað-
arins.
nema örskamma stund að fá matinn af-
greiddan, en aftur á móti er úrvalið mun
meira en á skyndibitastöðum erlendis auk
þess sem meira er lagt í matinn. Hvers
konar matur er þetta svo? spyrja lesendur
eflaust nú. Jú, þetta er fjölbreyttur en ekki
að sama skapi dýr matur (alla vega ekki í
löndum þar sem maturinn er á skaplegu
verði). Það sem er sérstakt við hann er
bragðið. Þetta er bragðmikill matur en alls
ekki sterkur, eins og flestir halda. Það má
hafa hann eins sterkan og hver vill, en það
er þá gert með því að fá sér sérstakan
skammt af „logandi" sósu sem búin er til
úr jalapeno pipar — og þá er hann logandi
sterkur.
Mexíkanskar flatkökur
Annað einkenni er að margir réttir eru
þannig að þeir eru borðaðir í flatköku,
sem heitir tortilla á spönsku (borið fram:
Tor-tíja). Kakan var — og er enn hjá inn-
fæddum — notuð í staðinn fyrir disk og er
þjóðarbrauð mexíkana. Þær eru ýmist
búnar til úr hveiti eða maískornmjöli, ör-
lítilli fltu og vatni. Þetta hnoða innfæddar
konur saman í þétt deig sem þær þjappa
síðan út í kringlótta köku sem er léttbök-
uð - á pönnu í okkar þjóðfélagi. Björg
kaupir kökurnar aftur á móti tilbúnar frá
tortilla framleiðanda í New York og koma
þær frosnar (annars mygla þær því í þeim
eru engin rotvarnarefni) með flugi hálfs-
mánaðarlega, ásamt öðru hráefhi. Hveiti-
kökurnar eru t.d. hitaðar aðeins á pönnu
og inn í þær sett hakkað kjöt í kryddsósu,
ásamt baunum, ofan á kemur meiri sósa og
jafnvel sýrður rjómi og avocadostappa.
Með þessu er hrásalat og spönsk hrísgrjón.
Réttur sem þessi heitir Enchilada (borið
fram: en-tshilaða) og er mjög góður — og
mjög seðjandi.
Heilsusamlegur
og hollur matur
Baunirnar sem settar eru innan í flat-
kökuna eru engar venjulegar grænar baun-
ir, heldur pintobaunir og þær er hægt að
kaupa í heilsumörkuðum og heifsuvöru-
deildum í verslunum — sem sýnir að þarna
er um heilsusamlega matvöru að ræða.
Þegar baunirnar hafa verið látnar liggja í
bleyti og þær síðan soðnar, þá eru þær
stappaðar - eins og kartöflumús — og út í
er bætt smjöri, eða einhverju álíka, og þær
bragðbættar með kryddi. Þær eru mjög
mildar á bragðið, en góðar, sérstaklega ef
smávegis af sýrðum rjóma er sett út á. Björg
segist vilja leggja mikla áherslu á það að
hér er um hollan mat að ræða. Hún kaupir
alltaf ferskt grænmeti og þar á meðal „ice-
berg“-kál, sem er dýrt, en aftur á móti
bragðmikið og stökkt. í kjötréttina er not-
að fyrsta flokks nautakjöt, tvær tegundir af
osti eru notaðar í réttina, maribou og
gouda, og allt sem keypt er að utan er rot-
varnar- og litarefhalaust.
Fjölskyldan vinnur saman
Björg lærði margt í matargerðarlistinni í
Bandaríkjunum, en hún fer ekki bara eftir
uppskriftum annarra; hún hefur gert sínar
eigin og þar á meðal er sérlega matarmikil
og bragðgóð súpa sem boðið er upp á á
Mexíkó. Einnig er chili-kjötrétturinn út-
búinn eftir tilsögn Bjargar og það er
sannarlega hægt að mæla með þessu hvoru
tveggja — aftur á móti ekki hægt að fá upp-
skriftirnar, því þær eru leyndarmál
Bjargar. Mikil vinna liggur að baki reksturs
svona veitingastaðar þó ekki sé hann sér-
lega stór í sniðum, en hjá Björgu vinna
tvær dætur hennar og tengdasonur auk
annars starfsfólks. Staðurinn er opinn alla
daga frá 11 á morgnana til 9 á kvöldin og
sagði Björg að lítið hefði verið um frídaga
hjá fjölskyldunni í sumar, þó fengu þau
einn góðan frídag sem var á sunnudegin-
um um verslunarmannahelgina og þá fóru
þau öll og nutu góða veðursins í Heið-
mörk.
Björg sagði að staðnum hefði verið vel
tekið og að yfirleitt fyndist fólki sem
smakkaði matinn í fyrsta sinn hann virki-
lega góður. „Flestir eru dálítið hissa því
þeir áttu von á ofboðslega sterkum mat, en
svo er hann það alls ekki. Börn eru stund-
um hrædd við að prófa eitthvað nýtt og
öðruvísi, en fyrir þau og aðra, erum við
með djúpsteikta kjúklinga. Einnig eru allir
veitingastaðirnir hér í samvinnu við að
reyna að ná til fólksins í nágrenninu og fá
það til okkar að tjorða, enda sérlega auð-
velt að fara með fjölskylduna hingað því
um marga veitingastaði er að velja þannig
að allir geta fengið það sem þá langar í.“
Ekki skaðar svo að þarna er ísbúð þar sem
hægt er að fá ótal gerðir af ísréttum í
ábæti. Þetta er íshöllin en þeir eru jafn-
ffarn eigendur Mexikó, sem Björg rekur. Á
síðunni hér á undan sést sýnishorn af
matnum sem Mexíkó býður upp á.
VIKAN/FRAMANDI ■■■■
Fiskisúpa
og
kálfakjöt
Fm allega súpan sem sést á matar-
m kortsmyndinni hér til hliðar var
löguð af Jóhanni Sveinssyni,
einum Framandi manna, en áður
en okkur tókst að fá hann til rabbs við
okkur þá fór hann úr landi, því eins og
lesendur hafa kannski tekið eftir þá hafa
allir matreiðslumennirnir farið utan til
frekari þekkingaröflunar og nú var kom-
ið að Jóhanni. Hann fór til Kaupmanna-
hafnar og starfar þar á einu veitingahúsi
borgarinnar.
Hvað er komið?
Auk kortanna tveggja sem birtast í
þessu blaði hafa eftirfarandi uppskriftir
birst:
1. Þorskaterrine á grænum grunni
Ásgeir Eriingsson, 9. tbl. 1988
2. Ristadur beitukóngur á fersku pasta
Örn Garðarsson, 9. tbi. 1988
3. Fyllt laxa-og blálöngu rúlla með
agúrkusósu
Ásgeir Erlingsson, 10. tbl. 1988
4. Gratineruð frönsk lauksúpa
Sverrir Halldórsson, 10. tbl. 1988
5. Gin og limefrauð Dessert
Sverrir Halldórsson, 11. tbl. 1988
6. Nautabuff með rjómasoðnum sveppum Kjöt
Sverrir Halldórsson, 11. tbl. 1988
7. Hörpuskelfisksalat með patriarcsósu Salat
Jóhann Jacobsson, 12. tbl. 1988
8. Sykurdeig/sítrónuterta Dessert
Örn Garðarsson, 12. tbl. 1988
9. Marineraður kjúklingur Fugl
Jóhann Jacobsson, 13. tbl. 1988
10 Sykurdeigs karfa Deig/ábætir
Örn Garðarsson, 13. tbl. 1988
11. Innbakaður fylltur
svinaturnbauti/humarsósa Kjöt
Þórarinn Guðmundsson, 14. tbl. 1988
12. Valhnetukaka með hindberja ískremi Ábætir
Þórarinn Guðmundsson, 14. tbl. 1988
13. Baka með reyktum laxi Smáréttur
Örn Guðmundsson, 15. tbi. 1988
14. Ananaskraumís Ábætir
Örn Garðarsson, 15. tbl. 1988
15. Innbakaðar rækjur í smjördeigi Forréttur
Þorekll Garðarsson, 16. tbl. 1988
16. Laxasnitsel m/graslauk og
sabayonnesósu Forréttur
Þórarinn Guðmundsson, 16. tbl. 1988
17. Beitukóngur í kampavíns sabayonne Fiskur
Ásgeir Erlingsson, 17. tbl. 1988
18. Hvítlauksristuð kálfalifur Kjöt
Snorri B. Snorrason, 17. tbl. 1988
19. Pasta m/sjávarréttum og
grænmeti Smáréttur
Sturla Birgis, 18. tbl. 1988
20. Soðin smálúða með sellerísósu Fiskur
Sverrir Halldórsson, 18. tbl. 1988
21. Hörðuskelfiskur m/ferskum spergli Forréttur
Sturla Birgis, 19. tbl. 1988
22. Villiönd með kúalubbum Fugl
Sturla Birgis, 19. tbl. 1988
23. Rauðvínssoðinn skötuselur Forréttur
Snorri B. Snorrason, 20 tbl. 1988
24. Sinnepssmurð nautalund Kjöt
Sturla Birgis, 20. tbl. 1988
Fiskur
Fiskur
Fiskur
Súpa
34 VIKAN