Vikan - 18.05.1989, Qupperneq 10

TEXTI: GVÐA DRÖFN TRYGGVADÓTTIR
UÓSM.: MAGNÚS HJÖRLEIFSSON
Uppgangur Rásar 2 hefur verið
mikill undanfarið og hefur hlust-
endahópurinn aukist verulega á
kostnað tónlistarstöðvanna. Dagskrárliði
eins og Meinhornið og Þjóðarsálina kann-
ast flestir við en þeir eru eitt vinsælasta
dagskrárefnið í dag. Þeir eru hluti af
Dægurmálaútvarpi Rásar 2 en því stjórnar
maður að nafni Stefán Jón Hafstein og
hefúr gert í tæp tvö ár.
„Haustið 1987 var ég ráðinn til að setja
á laggirnar dægurmálaútvarp en áður hafði
ég gert skýrslu fyrir útvarpsstjóra um hvað
skyldi gert við Rás 2.
Ég fékk mjög ffjálsar hendur og
ákvað að reyna að gera eitthvað sem
myndi skapa henni sérstöðu gagnvart
einkastöðvunum. Meiri áhersla er lögð á
talað mál, tekin eru fyrir málelhi líðandi
stundar bæði með og án þátttöku hlust-
enda. Við höfum reynt að brjótast út úr sí-
byljuímyndinni og það hefur tekist vel að
mínu mati.
Mér fannst allir orðnir svo „góðir“ , allt-
af að reyna að vera öllum allt og tala alltaf
á léttu nótunum svo ég vildi reyna að gera
eitthvað annað. Ég hef þetta að einhverju
leyti ffá Bandaríkjunum. Þar eru litlar út-
varpsstöðvar sem eru með þætti af svipuð-
um toga og við erum með. Bandarískt
sjónvarp er að mínu mati gerilsneytt. Það
er hægt að vera öðruvísi í útvarpi en sjón-
varpi. Útvarpið er mun persónulegri mið-
ill þar sem hægt er að komast í mjög mikla
nálægð við hlustandann.
Ég kann vel við útvarp. Það hentar mér
ágætlega tel ég og þessi miðill býður uppá
margt. það er hægt að ná góðu sambandi
við fólk í gegnum útvarp og svo er það
mjög einfaldur miðill."
Meinhornið er nöldurþáttur
— ekki umræðuþáttur
„Meinhornið sem er á dagskrá hjá okkur
einu sinni í viku er án efa vinsælasti dag-
skrárliðurinn hjá okkur. Mörgum hefur
veist erfitt að skilja meinhornið. Þar er
Frh. á bls. 12
„Við höfum engu að tapa því að við byrjuðum á núlli og því gat leiðin ekki legið
nema upp,“ segir Stefán Jón Hafstein. Hann telur að hinar miklu vinsældir tónlistar-
stöðvanna hafi verið tískufyrirbrigði.
í LOFTIHU
„Yið þorum a)
vera leiðinleg11
- segir Stefán Jón Hafstein stjórnandi Dœgurmálaútvarps Rásar 2
10 VIKAN 10.TBL1989