Vikan - 20.06.1995, Side 11

gerlega þótt sú geti orðið
raunin. Fegrunaraðgerð sem
þessi getur gert útlit kvenn-
anna mun betra en það er
ekki síst sjálfsálitið sem
eykst við það.
Læknirinn metur ástand
brjóstanna og lýsir þeim
möguleikum sem eru í stöð-
unni og hvaða aðferðum er
rótt að beita og er þá tekið til-
lit til ástands brjóstanna og
húðarinnar á brjóstkassanum.
Þeim konum, sem eru
greinilega með sigin brjóst,
getur verið ráðlagt að betra
sé að minnka húð brjóst-
anna og að settur verði inn
púði sem gerir þau þrýstnari.
Aðgerðin verður alltaf nokk-
uð flóknari ef brjóstið er mik-
ið sigið þar sem erfiðara er
að móta fellinguna undir
brjóstinu.
Margar brjóstastækkunar-
aðgerðir eru framkvæmdar
ár hvert. Þrátt fyrir það ættu
konur, sem áhuga hafa á
slíkri aðgerð, að velta fyrir
sér þeirri áhættu sem henni
fylgir - þrátt fyrir að hún sé
mjög lítil.
Vandamál eftir aðgerðina
eru afar sjaldgæf eins og til
dæmis sýkingar eða mjög
staðbundnar blæðingar en
auðvelt er að meðhöndla þær
ef til kemur. Einstaka sinnum
þarf að framkvæma aðra að-
gerð til að mýkja brjóst sem
hefur harðnað vegna sam-
dráttar í bandvefshimnunni
sem myndast umhverfis inn-
leggið. Hægt er að draga úr
líkunum á að slíkt gerist með
því að hreyfa innleggið til
reglulega eða eins og við-
komandi kemur til með að
I verða kennt eftir aðgerðina.
AÐGERÐIN SJÁLF
Dæmigerð brjóstastækk-
unaraðgerð er gerð til að
stækka brjóst sem ekki hafa
náð að stækka og þroskast
eðlilega eða þá ef brjóst
hafa rýrnað af einhverjum
orsökum eins og oft verður
við barneignir.
Þessi aðgerð er einnig
framkvæmd á konum sem
hafa brjóst sem eru ekki jafn
stór annaðhvort frá náttúr-
unnar hendi eða að annað
brjóstið hafi verðið fjarlægt
vegna illkynja breytinga í því
eða slyss.
Stærð þess innleggs sem,
sett eru í brjóstin, fer eftir
óskum sjúklingsins og því
hvað skurðlækninum finnst
við hæfi.
Misjafnt er hvar þessar
aðgerðir eru framkvæmdar;
það getur verið á stofu lækn-
isins eða á skurðstofu sem
hann á eða fær til afnota.
í flestum tilfellum er við-
komandi kona svæfð þrátt
fyrir að til sé í dæminu að
brjóstið sé staðdeyft. Slak-
andi lyf eru gefin áður en
svæfingin fer fram og er
sjúklingurinn vakinn þegar
allt er frágengið.
Hægt er að framkvæma
aðgerðina á nokkra mismun-
andi vegu en þrjár aðferðir
eru mest notaðar.
Algengasta aðgerðin fer
þannig fram að farið er inn í
fellingunni þar sem neðri
helmingur brjóstsins mætir
brjóstkassanum.
Önnur tegund aðgerðar er
sú að innlegginu er komið
fyrir í gegnum skurð sem er
gerður við neðri brún geir-
vörtubaugsins og er það sú
aðferð sem Sigurður notar
mest.
Þriðja aðferðin er að setja
púðann inn í gegnum skurð í
holhendinni en sú aðgerð er
sjaldgæfust af þessum þrem.
Það er þó misjafnt hvaða
aðgerðir læknarnir nota og
allar hafa þær sína kosti og
galla.
Sameiginlegt er þó með
þeim öllum að skurðlæknir-
inn lyftir brjóstvefnum upp
og teygir húðina þannig til að
poki myndast annað hvort
beint undir húðinni eða undir
brjóskassavöðvunum
(pectoral-vöðvunum) en það
er misjafnt hvað hver læknir
hefur tileinkað sér. Sigurður
segir þó að það fari nokkuð
eftir því hvort konur séu í
íþróttum eða ekki hvar púð-
anum sé komið fyrir. Hann
sé ekki settur undir vöðvana
ef þeir séu í stöðugri og mik-
illi áreynslu.
Þrjár gerðir af púðum eru
aðallega notaðar: Pokar
sem eru fylltir með silíkon-
hlaupi, saltvatni eða hvoru
tveggja. Þeir sem eru með
silíkoni eru fullir þegar þeir
eru settir inn en saltvatninu
er dælt í hina gerðina eftir að
pokanum hefur verið komið
fyrir.
Örfáir saumar loka síðan
skurðinum.
Brjóstin eru því næst hulin
umbúðum og útbúinn er
nokkurs konar brjóstahaldari
sem á að halda þeim sem
kyrrustum meðan þau eru
að jafna sig.
Aðgerðin sjálf tekur að
jafnaði um tvær klukku-
stundir en það getur þó verið
nokkuð misjafnt eftir umfangi
hennar.
AÐ AÐGERÐ LOKINNI
Litlir verkir eru að aðgerð
lokinni og eiga ekki að vera
meiri en venjuleg verkjalyf
ráða við og hverfa eftir einn
til tvo daga.
Umbúðirnar eru einnig
fjarlægðar eftir um tvo daga
og saumarnir síðan innan
viku frá aðgerðardeginum.
Þrátt fyrir að skurðlæknir-
inn leggi sig allan fram um
að gera örin eins lítt sýnileg
og mögulegt er eru þau eini
sýnilegi hluturinn eftir að-
gerðina en í flestum tilfellum
fara þau fljótlega að fá meiri
húðlit og verða að lokum svo
til ósýnileg.
Þær litlu bólgur eða húð-
litabreytingar sem kunna að
koma við aðgerðina hverfa
mjög fljótt.
Tilgangurinn með aðgerð-
inni er sá að brjóstin líti út
fyrir að vera þrýstnari, fram-
stæðari og hafi fallegra útlit
en áður.
Það getur komið fyrir að
mismunur á stærð eða lögun
brjósta konunnar geri vart
við sig eftir aðgerðina en
það er þá vegna þess að að-
lögun líkamans að þessari
breytingu er mishröð.
Nokkru eftir aðgerðina
getur borið á því að brjóstið
harðni nokkuð og er mögu-
legt að það geti varað í
nokkrar vikur eða mánuði en
sé brjóstanudd framkvæmt
af konunni að staðaldri get-
ur það oft komið í veg fyrir
slikt.
Einnig getur komið fyrir að
ákveðið tilfinningaleysi verði
í geirvörtunni eftir aðgerðina
en í flestum tilfellum mun
það hverfa að mestu eða
öllu leyti innan nokkurra
mánaða.
Þrátt fyrir að konurnar séu
komnar á fætur svo til sam-
dægurs mun læknirinn gefa
ráð um hvernig sé best að
koma sér inn í hið daglega líf
án þess að það bitni á því
sem gert hefur verið. Mikil-
vægt er að fara sér frekar
hægt fyrstu dagana og lyfta
ekki neinu þungu upp fyrir
sig. Hvenær viðkomandi
kona getur farið að vinna
fulla vinnu fer eftir því hversu
fljót hún er að jafna sig og
hvernig henni líður.
YFIRSTÆRÐ
Gerir þú ekkert af því að
búa til brjóst sem eru á borð
við þau sem Dolly Parton,
Samantha Fox eða Brigitte
Nielsen bera?
„Nei, því það er hreinlega
ekki farið fram á það við
mig“ segir Sigurður. „Eftir að
ég hef rætt við konurnar þá
verður niðurstaðan í flestum
tilfellum sú að báðir aðilar
sætta sig við skynsamlega
lausn og þá á ég við að
brjóstin líti eðlilega út en ekki
eins og yfirblásnar blöðrur.
íslenskar konur eru, að mér
finnst, mjög skynsamar að
þessu leyti enda held ég að
hvorki íslenskir karlmenn
sækist eftir slíku eða að það
sé konunum sjálfum í hag
þegar til lengri tíma er litið.
Þess ber að geta að slíkar
aðgerðir eru ekki gerðar í
einum áfanga heldur þarf
langan tíma til að teygja á
húðinni og undirbúa hana til
að taka við mjög stórum
stækkunarpúðum.
Hvað viltu segja um um-
ræðuna um að silíkon geti
valdið krabbameini?
Það hefur margoft komið
fram, í þeim vísindatímarit-
um sem ég hef séð, að það
sé ekkert sem bendi til sam-
hengis milli brjóstakrabba-
meins og brjóstastækkunar.
Ég man til dæmis eftir grein
sem birtist í hinu virta lækna-
blaði „The New England
Journal of Medicine" sem
bar heitið (lauslega þýtt);
„Brjóstastækkun: Áhættu-
þáttur fyrir krabbamein?" en
þar segir frá rannsóknum,
ýmissa vísindamanna, á
þessu og stendur meðal
annars í greininni: „Sam-
kvæmt okkar rannsóknum
hefur ekkert komið í Ijós sem
bendir til þess að brjóstainn-
legg hafi aukið áhættu
þeirra, sem þau hafa feng-
ið, á að fá brjóstakrabba-
mein.“
Ég og aðrir sérfræðingar á
þessu sviði hérlendis höfum
verið að reyna að segja fólki
þetta en það virðist tregt til
að trúa því. Meðal annars
vegna þess höfum við farið
út í að nota nær eingöngu
púða, fyllta með saltvatni
frekar en silíkoni, til að fólk
hafi meiri öryggistilfinningu
gagnvart þessu máli en salt-
vatnspúðarnir eru síst lakari
en þeir sem innihalda silí-
kon“ segir Sigurður að lok-
um. □
co
6. TBL. 1995 VI f
STÆKKUN BRJÓSTA MIKILVÆG FYRIR SJALFSALITIÐ I