Vikan - 20.01.1996, Page 44

líður á mánuðinn bersl þér óvæntur liðsauki sem kemur til með að
breyta ýmsu í þínu lífi til frambúðar. Hugsanlega færðu óvænta
heimsókn í kringum þann 20. ágúst.
September: Frá 8. september er ástæða til að gera breytingar,
annað hvort fram á við eða snúa aftur að fyrra horfi. Venus er í
miðju þínu merki um þetta leyti sem gefur möguleika á nýjum vídd-
um í tilfinningalífinu. Þú finnur fyrir því að styrkur þinn eykst jafnt
og þétt. Samvinna er í brennidepli um þessar mundir og þú hefur
nóg af hugmyndum og krafti. En þú verður að sýna samvinnu til
þess að hugmyndir þínar verði að veruleika. Fjármálin eru á góðu
skriði og þú gerir góð kaup.
Október: Þetta verður óvenju annasamur mánuður. Þú sýnir
óvenju dugnað og þú hefur forskot og löngun til margra hluta. Ef þú
þarft á hjálp að halda til að leysa praktísk mál skaltu leita til vina
þinna. Það eru góðir straumar í tilfinningamálum en eftir þann 5.
verður þú að taka frumkvæði í sambandi þínu. Á vinnustað hefur
þú sitthvað til málanna að leggja og þú þarft ekki að halda þig til
hlés. Varastu samt að hvessa þig um of og vandaðu orð þín í garð
vinnufélaganna. Fjármál eru í góðu lagi.
Nóvember: Nú þarftu að skipuleggja þig vel. Þér hættir oftast til að
redda málunum á síðustu stundu en ef þú ætlar að komast áfram
verðurðu að hafa vaðið fyrir neðan þig. Það reynir á þig í vinnunni en
farðu varlega því erfiðleikarnir liggja ekki alltaf í augum uppi. Vinnufé-
lagi gerir hosur sínar grænar fyrir þér en hugsaðu þig um áður en þú
svarar ástleitninni. Á heimavígstöðvum hefur þór tekist að sniðganga
vandamálin í stað þess að horfast í augu við vandann. Núna er rétti
tíminn til að taka af skarið því tækifærin munu ekki verða fleiri í bili.
Desember: Þú hefur tögl og hagldir í vinnunni en það nýtist þér
best ef þú sýnir vilja til að leggja aðeins meira á þig. Þá muntu
standa eftir sem sigurvegari. Kannski dragast hlutir á langinn en
það er ýmislegt spennandi í uppsiglingu. Fram að jólum ertu tilbú-
inn til að taka á móti sterkum straumum. Vertu viss í þinni sök því
þér hættir til að kasta þér út í óþarfa rifrildi. Frá 18. eru kærleiks-
teikn aftur á lofti og þú gefur allt sem þú átt. Eins og þú veist lætur
þér vel að vera gefandi og þiggjandi. Hafðu það í huga um jól.
Nýársheit þitti er: Gríptu gæsina meðan hún gefst.
42 VIKAN