Vikan - 20.01.1996, Qupperneq 58

ert varkár því brennt barn forðast eldinn. Þér er nauðsynlegt að
byggja upp og þá sérstaklega fjárhaginn. Hæfileikar þínir til sam-
skipta og málamiðlunar fá að njóta sín. Á sama tíma sýnir þú frum-
kvæði en þú skalt varast að tala um of. Þögnin er gulls ígildi á
stundum. Þér tekst ekki að sýna tilfinningar þínar og því ertu frekar
til hlés þegar rómantíkin gerir vart við sig.
Júní: Þú ert með mörg járn í eldinum á heimavígstöðvum og á
vinnustað. Fram til 14. viltu heldur sinna bóklegum málum. Þú hef-
ur jú hæfileika til að raða hlutum í kerfi sem verður til þess að þú
sleppur vel. Samband þitt við makann hefur tækfæri til að
blómstra, sérstaklega ef þið náið að tala saman og eruð sammála.
Ferðalag gæti styrkt samband ykkar. Ef góður vinur er til í ferðalag
verður þú ekki fyrir vonbrigðum heldur. Ef þú heldur til útlanda áttu
möguleika á að víkka sjóndeildarhring þinn og ef þú vilt getur þú
nýtt þér þá reynslu þegar heim er komið.
Júlí: Þú lítur lífið alvarlegum augum þessa stundina. Þú leggur
hart að þér við að Ijúka verkefnum. Óþolinmæði er þér til trafala og
þá sérstaklega í samstarfi við vinnufélaga. Best fyrir þig er að njóta
sumarsins í faðmi fjölskyldunnar. Friður mun færast yfir líf þitt eftir
10. júlí. Hvað varðar húsnæði verða breytingar á einn eða annan
veg. Þér gæti jafnvel dottið I hug að fjárfesta i sumarbústað.
Ágúst: Nú er þín andlega orka i hámarki og þér gengur vel í sam-
skiptum við annað fólk. Þú ert svolítið upptekinn af ákveðnum hug-
myndum sem þínum nánustu finnst helst til villtar. Þér tekst allt
sem við kemur málinu. Ekki af því allir séu svo sammála þér heldur
vegna þess að þér tekst að koma skoðunum þínum haganlega í
orð. Frá 8. ágúst hleypur snuðra á þráðinn í hjónabandinu. Þér
finnst þú hafa verið sterkari aðilinn án þess að fá það til baka í
öðru. Síðast í mánuðinum getur verið að ykkur langi suður á bóg-
inn í frí og fjármálin eru engin hindrun.
September: Reiði þfn og vonbrigði með makann eru nú á bak og
burt. Þér léttir heldur og þið getið talað út um misklíðina. Þér er í
mun að sinna vinum þínum og ekki er loku fyrir skotið að vinátta
geti leitt til ástarsambands hjá steingeitum á lausu. í þessum mán-
uði viltu gjarnan safna um þig vinum og bjóða þeim heim. Ef þú
hefur áhyggjur af fjármálum skaltu samt bjóða þeim heim og láta
alla leggja í púkkið. I vinnu ertu í þeirri aðstöðu að velja og hafna.
56 VIKAN