Vikan - 10.09.1998, Page 20

GRÆNT OG
FRÍÐA BJÖRNSDÓTTIR
Hauststemmning
skreytingarefnið má finna ígarðinum
Nú fer hver að verða síðastur að bera hauststemmninguna inn úr garðinum. Það má
gera með ýmsum hætti. Þið getið enn klippt stöngla af fjölærum blómum þótt þeir
séu visnaðir og þeir geta svo sannarlega verið fallegir í hvers konar skreytingar. Á
ýmsum runnum má sjá þroskuð ber og stórar og smáar greinar
með berjum má nota á margvíslegan hátt í skreytingar.
Vikan fékk þær Helgu
Thorberg og Kristínu
Báru Gunnarsdóttur í
Blómálfinum á Vesturgötu til
að binda fyrir sig krans sem
minnir á haustið. Ekkert er
einfaldara en að láta kransinn
taka breytingum eftir árstíð-
um. Færa hann í einhvers kon-
ar jólaskrúða þegar jólin nálg-
ast og þá jafnvel með köngl-
um sem þið gætuð fundið á
ykkar eigin grenitrjám eða
kannski í göngutúr um skóg-
arsvæði í nágrenni við ykkur.
Þegar páskarnir nálgast
breytið þið aftur til
og þá verður að
finna eitthvað
gult til að skreyta
með og svo vor-
og sumarlegan
gróður þegar
komið er lengra
fram á árið.
Hugsið ykkur hvað
það er í raun einfalt að
kalla fram ákveðna
stemmningu. Það þarf ekki
annað en
bæta einhverju rauðu í
skreytingu til þess að okkur
detti jólin í hug og guli liturinn
minnir okkur ævinlega á pásk-
ana. Hvítt og bleikt flytur svo
með sér anda vors og sumars.
Birkigreinar og ber
En víkjum að kransinum
þeirra Helgu og Kristínar.
Undirstaðan er einföld, birki-
greinar sem alls staðar er hægt
að komast yfir. Þið ákveðið
sjálf hversu fyrirferðarmikill
kransinn á að verða og bætið
greinum við í samræmi við
það. Berjagreinarnar, sem
prýða kransinn, heita hyperic-
um. Þær er hægt að kaupa í
verslunum, en þið gætuð líka
notað greinar af reyniviði með
eldrauðum reyniberjum. Sum-
ar rósir, til dæmis meyjarrós,
þroska eins konar ber, fræhús
sem eru aflöng í laginu. Þau
eru líka falleg til skreytinga á
meðan þau halda litnum.
Grænu blöðin á kransinum
heita salol og þurrkuðu, stóru
Hér eru reyniber á grein og einnig grein af
meyjarrós með fallegum rauðgulum fræ-
húsum. Hvort tveggja er svolítið farið að
þorna svo þið sjáið betur hvernig það kem-
ur til með að líta út í skreytingunni þegar
fram líða stundir.
(Ljósmynd: Gísli Egill Hrafnsson)
blómin eru proteur. Vel getur
verið að einhver í fjölskyld-
unni hafi átt afmæli nýlega
eða eigi það á næstunni og
proteur leynist í einhverjum
blómvendinum. Loks eru svo
þurrkaðar rósir bundnar í
kransinn. Mikið er um að fólk
þurrki rósir svo trúlega eigið
þið einhvers staðar vönd af
rósum sem hægt er að nota. Ef
ekki, má kaupa þurrkaðar rós-
ir í blómabúðum og svo er líka
hægt að kaupa sér fáeinar af-
skornar rósir, njóta þeirra í
nokkra daga, þó ekki of lengi,
og hengja þær svo öfugar upp
og láta þær þorna.
Nú er um að gera að hefja
kransagerðina, bæði fyrir ykk-
ur sjálf og vini og vandamenn.
Kransar eru fallegar vinargjaf-
ir.
20