Vikan - 10.09.1998, Page 33
Partýfat með djúpsteiktum
eplum,beikonrúllum og brieosti.
Djúpsteikt epli
5-6 græn epli
safí úr einni sítrónu
4 egg
2 dl hveiti
1 tsk. salt
3-4 msk. vatn
olía til djúpsteikingar
Skolið eplin, takið úr
þeim kjarnann og skerið
í þykkar sneiðar.
Sítrónusafanum er hellt
yfir. Blandið saman
eggjum, hveiti, salti og
vatni og búið til deig.
Hitið olíuna í 180°C.
Perrið eplin og dýfið
þeim í deigið og djúp-
steikið þar til þau eru
orðin ljósbrún. Látið
leka af þeim á eldhús-
rúllupappír. Berið eplin
fram volg.
Beikonrúllur
Eitt ljóst formbrauð
1 Fondue-ostur
u.þ.b. 2 epli, græn
2 bréf beikon
tannstönglar
Skerið skorpuna utan af
brauðsneiðunum og
skerið hverja brauð-
sneið í tvennt. Setjið síð-
an eina sneið af osti
ofan á brauðsneiðina,
skerið eplin í þunnar
ræmur og setjið ofan á
ostinn, rúllið upp og
vefjið 1/2 beikonsneið
utan um brauðrúlluna
og festið með tann-
stöngli. Raðið rúllunum
í ofnskúffu og bakið við
180°C þar til beikonrúll-
urnar eru fallega brún-
aðar
Svínalundfyllt með eplum og apríkósum.
500 g svínalund
salt og pipar
4 þurrkaðar apríkósur
8 valhnetur
1/2 epli
50 g smjör til steikingar.
Sósa
1 dl kjötsoð
1-2 dl rjómi
1/2 -1 epli
Hreinsið sinar og fitu af
kjötinu. Skerið eftir endi-
langri lundinni og berjið
hana létt með höndun-
um. Stráið salti og pipar
yfir kjötið. Brytjið aprí-
kósur og valhnetur smátt
og skerið eplin í teninga.
Dreyfið eplum , apríkós-
um og valhnetum í lund-
ina og lokið henni með
t.d. bómullargarni eða
kjötprjónum. Bræðið
smjörið á pönnunni og
brúnið lundirnar.
Takið lundirnar af pönn-
unni. Eplin eru skorin í
báta og steikt á pönnunni
í fitunni frá lundinni. Þá
eru eplin tekin af pönn-
unni og lundin sett aftur
á hana og síðan er kjöt-
soðinu hellt yfir og lund-
in látin steikjast í u.þ.b.
20 mín. Snúið lundinni
þegar tíminn er hálfnað-
ur. Látið eplin steikjast
með aftur síðustu 5 mín.
Kjötið er tekið úr soðinu
og haldið heitu (t.d. í
ofni við 80 °C ). Rjóman-
um er bætt út í kjötsoðið
og suðan látin koma upp.
Þykkið sósuna með sósu-
þykkni. Skerið lundirnar
í sneiðar og berið fram
með sósunni, léttsteikt-
um eplunum og t.d. villi-
hrísgrjónum.