Vikan - 24.08.1999, Blaðsíða 25

Hvað get ég gert til að hjálpa barninu mínu í námi?
• Hlustaðu á það og hjálpaðu því að takast á við vandamál sem uþp koma.
• Lestu fyrir það og með því þegar það byrjar sjálft að lesa.
• Farðu með það á bókasafnið og leyfðu því að velja sér bækur.
• Takmarkaðu aðgang þess að sjónvarpi og tölvuleikjum.
• Leyfðu barninu að fylgjast með fréttum.
• Farðu með barninu í skoðunarferðir, fræddu það um plöntur, dýr og náttúruna almennt.
• Sjáðu til þess að það geti sinnt heimanáminu í friði og ró og vertu til taks þurfi það á þér
að halda.
• Farðu yfir heimavinnuna, það veitir barninu öryggi.
• Vertu í reglulegu sambandi við umsjónarkennarann því góð samvinna skilar alltaf árangri.
Vinaleikurinn vinsæll
I flestum grunnskólum
Reykjavíkur er jafnframt
boðið upp á námskeið fyrir
foreldra sex ára barna.
Námskeiðið er afrakstur
samstarfs foreldrafélags og
stjórnenda Ölduselsskóla í
Reykjavík. Þau nutu mikilla
vinsælda meðal foreldranna
og nú bjóða allir grunnskól-
ar Reykjavíkur upp á slík
námskeið þó dagskrá þeirra
sé breytileg. Meðal þess sem
fram fer á námskeiðunum er
kynning á skólanum, bæði
innra starfi og eins húsa-
kynnum, starfsfólkið sem
vinnur með börnunum hittir
foreldrana og haldnir eru
fyrirlestrar tengdir líðan og
hegðun sex ára barna. Með
þeim hafa foreldrarnir náð
að tengjast skólanum og
starfsfólkinu mun betur.
Margir foreldrar fylgjast
vel með námi barna sinna
og geta veitt þeim ómældan
stuðning. I vor kom út ný
Aðalnámskrá grunnskóla og
er hún seld í bókabúð Máls
og Menningar. í henni má
sjá þann grunn sem kennari
barnsins vinnur út frá við
kennsluna. Það er líka gott
fyrir áhugasama foreldra að
komast í nánari tengsl við
skólann með því að starfa í
foreldrafélögum. í flestum
skólum eru kosnir tveir for-
eldrar í hverjum bekk sem
mynda bekkjarráð og vinna
í samstarfi við foreldrafélag
viðkomandi skóla. Með
slíkri þátttöku kynnast for-
eldrarnir bæði skólastarfinu
innanfrá og foreldrum hinna
Vikan 25
barnanna betur. Svokallaður
vinaleikur er vinsæll meðal
sex ára barna og foreldra
þeirra. Leikurinn gengur út
á að setja 4-6 börn í hóp og
þau skiptast á að bjóða
hvert öðru heim til sín
reglulega. Þannig kynnast
Heimili & skóli
Á íslandi eru starfrækt frjáls
félagasamtök foreldra sem heita
Heimili & skóli. Markmið þeirra er
að veita foreldrum stuðning og
llðveislu og koma sjónarmiðum
þeirra á framfæri við yfirvöld.
Hægt er að fá ítarlegar upplýs-
ingar um starfsemina á netinu.
Slóðin er: heimskol@heimskol.is
Samtökin eru til húsa að
Laugavegi 7, Reykjavík og síminn
hjá þeim er 562-7475.
börnin fjölskyldum hinna
betur en ella og foreldrarnir
ná betri tengslum.
Vandamálin
Vandamál eru ekki umflúin og
því er nauðsynlegt að vera viðbú-
in að takast á við þau. í flestum
tilfellum er best að byrja á að
ræða við umsjónarkennara
barnsins. Ef þú hefur reynt það
og ekkert gengið er næsta skref-
ið að ræða við skólastjórann.
Gott er að hafa nokkur atriði í
huga þegar þú þarft að fara á
fund skólastjóra.
• Vertu jákvæð í garð skólans
og reyndu að hrósa því sem
vel hefur verið gert í málinu.
• Komdu þínu sjónarhorni á
framfæri. Skólastjórinn getur
ekki lesið hug þinn og því
mikilvægt að útskýra ná-
kvæmlega í hverju vandinn
liggur og hvernig þú vilt að sé
tekist á við hann hafir þú
hugmyndir um það.
• Reyndu að enda samtalið á
jákvæðu nótunum.
• Endaðu fundinn á að ákveða
næsta skref í samskiptunum.
Annað hvort að ákveða annan
fund eða símtal og hvenær
það eigi að gerast. Þegar þú
ferð heim þá veistu að eitt-
hvert ferli er komið í gang og
þér líður miklu betur.
• Ef ekkert breytist og vanda-
málið er enn til staðar eru
aðrar leiðir mögulegar. Á veg-
um fræðslumiðstöðvar
Reykjavíkur er starfandi
kennsluráðgjafi fyrir hvert
skólahverfi sem getur veitt
ýmsar upplýsingar varðandi
námsefni og kennsluhætti.
Einnig er starfandi umboðs-
maður foreldra og skóla, Ás-
laug Brynjólfsdóttir sem getur
veitt foreldrum ráðgjöf og
upplýsingar.