Vikan - 31.08.1999, Page 22

Texti: Halla Bára Gestsdóttir
Myndir: Gunnar Sverrisson
Hann er glæsilegur matseðillinn á Pizza 67 á Egilsstöðum en þar eru Vikur
frá 1967 notaðar til að prýða hann í bak og fyrir.
Þór Ragnarsson
er eigandi veit-
ingastaðarins.
Hann segir hug-
myndina að
Vikumatseðlinum hafa
kviknað fyrir ári síðan þegar
Pizza 67 flutti til Egilsstaða
frá Fellabæ en þá hafi hann
langað til að útbúa nýja
matseðla sem minntu á ein-
hvern hátt á árið 1967. Sú
hugmynd hafi ekki verið
lengi að fæðast því frændi
eiginkonu hans, sem er mik-
ill grúskari, hafi komið með
þá snilldarhugmynd að nota
gamlar Vikur sem matseðla.
Það var gert og eru blöðin
látin halda sér en matseðlin-
um stungið inn í fyrstu opnu
þeirra.
Áhugaverðasti matseð-
ill landsins
Þór segir gaman að fylgj-
ast með viðskiptavinunum
fá matseðlana og þeir skoði
þá gaumgæfilega. Gjarnan
vilji þeir ekki láta þá frá sér
og ýmislegt efni, sérstaklega
framhaldssögur, fangi huga
margra meðan þeir bíði eftir
matnum. Það hafi m.a. gerst
að viðskiptavinur hafi kom-
ið til sín og spurt hvort hann
ætti næsta tölublað á eftir
sem hann var að lesa þar
sem sagan sé svo spennandi.
Þór tekur það einnig fram
að á staðinn hafi komið fólk
sem hafi séð mynd af sér í
Vikunni frá 1967.
Matseðlarnir slitna eðli-
lega vegna mikillar notkun-
ar og eitthvað er um það að
fólk rífi út úr blöðunum. Þór
á þó 60 til 70 blöð í allt
þannig að matseðlarnir ættu
að endast í einhvern tíma.
Hann nefnir að sum blöð
veki meiri athygli en önnur
og eins sé mikið um það að
foreldrar séu að sýna og
segja börnum sínum frá
ýmsu efni í blöðunum sem
þeir hafi skoðað á sínum
tíma.
Hugmyndin að Vikumat-
seðlinum hefur vakið athygli
og munu eigendur nokkurra
Pizza 67 veitingastaða hafa
komið til Þórs og viljað fá
að nota hugmyndina. Hver
veit nema lesendur Vikunn-
ar komist í feitt víðar en á
Egilsstöðum innan skamms
tíma þegar þeir setjast niður
og fá sér pizzu?
Sum tölublöð Vikunnar frá 1967
eru vinsælli en önnur, að sögn
Þórs, og þessi eru þeirra á nieðal.
Það er margt í gömlu Vikunum
sem ennþá vekur athygli fólks.
Framhaldssagan fangar t.d. marg-
an viðskiptavininn meðan hann
bíður eftir matnum.
22 Vikan