Menntamál - 01.04.1965, Side 102
MENNTAMÁL
9fi
Orðsending frá kennarasamtökunum.
Svo sem sjá má hér að framan, verður 19. norræna skóla-
mótið haldið í Reykjavík dagana 22.-24. ji'dí á þessu ári.
Það er í fyrsta sinn, sem þetta mót er lialdið hér á landi,
en það á hins vegar langa sögu að baki, sem gagnmerkur lið-
ur í norrænum menningarmálum, enda á þessi tilraun til
náinna samskipta um uppeldis- og fræðslumál með Norður-
landaþjóðum aldarafmæli árið 1970.
Þessi senn aldargömlu skólamót munu að flestra viti,
jjeirra er til þekkja, hafa átt mikinn þátt í mótun þeirrar
menningarþróunar með norrænum þjóðum, sem aðdáun
hefur hlotið með öðrum þjóðum heims.
Höfuðumræðuefni þess norræna skólamóts, sem hér verð-
ur haldið í sumar, verður: Þróunarþættir norrænna uppeld-
is- og fræðslumála.
F.r þar um þau málefni að ræða, er stöðugt leita nánari
tengsla við skólamál okkar íslendinga og því aðkallandi, að
íslenzkir skólamenn fylgist með þeim af sem nánastri snert-
ingu. Fyrir það eitt ættu kennarar landsins að fjölsækja á
þetta mót.
Nú er það þegar vitað, að mótsókn kennara frá hinum
Norðurlöndunum mun verða mjög mikil. Gjcira má ráð fyr-
ir, að tala þeirra verði ekki undir 800. Nokkurn þátt í þess-
ari miklu sókn mun eiga forvitni um hagi lands og þjóðar
og löngun til þess að kynnast íslenzkum starfsbræðrum.
Mætti því vel á því fara, að íslenzkir kennarar fjölmenntu
til mótsins, einnig fyrir þá sök, að með því gefast þeim ómet-
anleg tækifæri til góðra kynna við norræna kennara. F.innig
væri það nú líkast því sem gestgjafinn hlypi af hólmi, er
gesti ber að garði, ef íslenzkir kennarar verða mjög fálið-
aðir á þessu skólamóti.