Menntamál - 01.04.1965, Blaðsíða 80
74
MENNTAMÁL
Þegar skrifað er kennsluhandrit, er gert ráð fyrir finun
dálkum á blaðinu. Lengst til vinstri kemur númerið á
hverri einstakri einingu upptökunnar, eða það, sem á
ensku er kallað „shot“. í næsta dálki er að finna skammstaf-
aðar leiðbeiningar um, hvaða vél tekur þetta ákveðna
,,skot“ og hvernig myndin á að vera á skerminum: A þetta
að vera almynd af kennara eða kennurum, hálfmynd eða
nærmynd, þar sem aðeins höfuðið sést? í þriðja dálki er
stutt lýsing á senunni, því sem gerist; í hinum fjórða er
textinn í heild, hið talaða orð kennarans eða þeirra, er
fram koma, og í þeim síðasta eru leiðbeiningar fyrir
,,audio“ hlið upptökunnar, tónlist eða aðra „effekta". í
dálk nr. 2 á stjórnandinn gjarnan til að rissa upp eða óska
eftir rissmyndum til skýringar, ef hann skrifar ekki hand-
ritið sjálfur. Auðveldar þetta leiðbeiningar til vélamanna,
sem ávallt þurfa að vera viðbúnir næstu töku með rétta
mynd á skerminum. Einnig er leiðbeint um linsur í þessu
sambandi.
Eiginleikar og kostir sjónvarps við kennslu.
1. Sjónvarp getur komið til móts við þarfir og óskir þeirra,
sem af einhverjum ástæðum ekki geta eða kæra sig um að
sækja venjulega skóla.
2. Sjónvarp höfðar til tveggja skilningarvita, sjónar og
heyrnar. Það gerir kvikmyndin einnig. En sjónvarp hefur
þann kost fram yfir að geta sýnt raunverulega atburði um
leið og þeir gerast. Hinar raunverulegu aðstæður skapa
slíka „nálægð“ viðfangsefnisins, að næst gengur því, að
fara sjálfur á staðinn í eigin persónu. Reynsla er fyrir því,
að timi skiptir ekki ýkja rniklu máli, ef upptakan hefur ver-
ið gerð við raunverulegar aðstæður. Nemendur spyrja ekki
hvenær hin mjög svo spennandi eðlisfræðitilraun raun-
verulega var framkvæmd: tilraunastofan og vísindamenn-
irnir eru kynntir, og þeir gera síðan grein fyrir viðfangs-
efninu.