Menntamál - 01.12.1968, Side 68

294
MENNTAMÁL
lista til allra þátttökuríkja og upplýsinga aflað um ástandið í þessum
efnum, eins og það er í einstökum löndum í dag.
Það var einróma áfit þingfulltrúa, að báðir framsögumennirnir
liefðu skilað sínu lilutverki með sérstakri prýði.
Þá var rætt og samþykkt álit milliþinganefndar, sem framkvæmda-
nefnd samtakanna skipaði samkvæmt ákvörðun síðasta þings. Fjall-
aði nefndin um störf og skipan samtakanna í framtfðinni.
Hér fara á eftir santþykktir þingsins.
I.
Hvernig geta barnaskólar unniö að auknum mannréttindum með
kennslu i sögu og félagsfrœði?
f. Á þessu ári, þegar liðin eru 20 ár frá samþykkt Mannréttindayfir-
lýsingarinnar, leggur 37. aljrjóðaþing IFTA-fulltrúa, sem situr í
Dublin 18. til 21. júlí 1968, mikla áherzlu á mikilvægi jress merka
skjals fyrir framtíð mannkyns. Þingið veitir Jrví athygli með hryggð,
að meginatriðum Mannréttindayfirlýsingarinnar hefur ekki enn
verið hrundið í framkvæmd.
2. Þingið ítrekar einarðan vilja IFTA til að leggja sitt af mörkum,
svo að liugsjónir yfirlýsingarinnar komist í framkvæmd með auk-
inni kynningu á henni, ekki ltvað sízt meðal æskulýðsins, sem þarf
að öðlast hugsjón og athafnavettvang.
Þingið óskar að vekja athygli á
að megintilgangur allar fræðslu er að vekja virðingu fyrir friðhelgi
mannlegs lífs, fyrir verðleiktnn einstaklingsins, fyrir sannleika og
og réttlæti, og, þar af leiðandi, fyrir rétti einstaklingsins til
persónulegs frelsis;
— skólum ber að auka skilning ungs fólks á öðrum menn-
ingarháttum, gera jrví ljóst mikilvægi aljrjóðasamvinnu og góðrar
sambúðar jrjóða, svo að auðveldara verði að vinna að og tryggja
frið og frelsi og skapa einstaklingunum betri lífsskilyrði;
— slíkan skilning og anda beri að vekja frá upphafi í barnáskólum:
— skólunum einum getur ekki tekizt að koma á mannréttindum, svo
að ríkisstjórnir og jjjóðir verða að viðurkenna og efla hvers kon-
ar mannréttindi, sem skýrgreind eru í hinum ýmsu alþjóðlegu
yfirlýsingum og samþykktum.
Þingið óskar að mæla með eftirfarandi tillögum:
I — Að andi Mannréttindayfirlýsingarinnar eigi að vera leiðarstjarna
fræðslu og uppeldis í hverju landi;