Menntamál - 01.04.1972, Qupperneq 14

Elsa Beskow myndskreytti bækur sínar af mikilli nákvæmni. Allir sjá að það er notalegt í eldhúsinu hjá frænkunum þrem. Lítil börn una
lengi við að skoða slíkar myndir.
þar koma fyrir. Það er ekki fyrr en um 9—10 ára
aldur, það er þegar „Robinsonaldurinn" hefst,
að áhugi á ævintýrunum minnkar stórum vegna
aukins raunsæis barnsins, sem krefst þess, að eitt-
hvert vit sé í sögunni, eitthvað sem getur í raun
og veru gerzt. En vegna þess að yngri börnin
lifa sig inn í frásögnina og trúa henni liálfvegis,
telja rnargir sálfræðingar, að gæta þurfi nokk-
urrar varkárni, þegar valin eru ævintýri til lestrar
fyrir þau, einkum ef þau eru viðkvæm, öryggis-
laus eða taugaveikluð. Mörg dæmi eru til um,
að slík börn hali fengið svefntruflanir og hræðslu-
köst, sem mátti rekja til ógnvekjandi ævintýra-
persóna. Þetta mættu einnig leikhúsmenn hafa í
huga, er þeir setja slíkar persónur á svið. Áhrifin
af því, sem lítil börn sjá, en skilja ekki, geta verið
sterk. Á það má benda, að til er fjöldi góðra
ævintýra, sem börn á leikaldri geta notið til
fulls.
í bókum fyrir yngri börnin skiptir myndskreyt-
ing miklu máli. Segja má, að allt til 5 ára aldurs
séu börn mjög háð myndum í bókum, enda hefðu
þau ekki mikla ánægju af að skoða bækurnar
sínar, ef engin væri myndin. í erlendum smá-
barnabókum er yíirleitt mikil áherzla lögð á
myndskreytingar, og kennir þar mikillar fjöl-
breytni.
Sænska listakonan Elsa Beskow (1874—1953)
öðlaðist mikla frægð fyrir smábarnabækur sínar.
Sögur hennar og ævintýri eru hugmyndaauðug,
og andar frá þeim hlýju og góðleika. í töfraheimi
skógarins eiga heima blómálfar, bláberjadrengir
MENNTAMAL
72