Vorið - 01.12.1965, Blaðsíða 37

Þú skalt hafa með þér fína nál og slíta
hár af höfði þínu. Þú skalt sauma með
því og þá sést alls ekki, að þarna var
áður rifa. Konungurinn verður mjög
hrifinn af þessu verki þínu, og þú færð
þín laun fyrir.
Gullsól flýtti sér nú upp að höllinni,
og sagði, að hún ætlaði að gera við
gluggatjölcl. Vel klæddur þjónn vísaði
henni upp í turnherbergi og hún kom
fljótlega auga á, hver gluggatj öldin
voru rifin. Hún settist niður og fór að
sauma rifuna saman með sínu eigin hári,
og þar sem það var ennþá fíngerðara en
silki, gat enginn séð, að þarna var
saumur á tjaldinu, Þegar konungurinn
frétti þetta, kom hann sjálfur til að líta
á þetta meistaraverk.
„Þetta verkefni hefur þú leyst vel af
hendi,“ sagði hann ánægður, „og nú
getur þú beöið um laun fyrir.“
Gullsól varð alveg örvilnuð, og vissi
ekki, hvernig hún átti að koma orðum
að því, sem hana langaöi til að biðja
um, þar sem þetta var konungur lands-
ins, sem stóð þarna andspænis henni, og
það var ekki á hverjum degi, sem henni
gafst tækifæri til að biðja hann bónar.
Hún leit óttaslegin upp, en þá tók hún
eftir því, að hann brosti til hennar, og
þá fannst henni allt í einu, að hann hlyti
að vera eins góður og vingjarnlegur eins
og fósturfaðir hennar var.
VORIÐ 179