Bjarmi - 01.12.1993, Blaðsíða 17

prófessor og dr. Guðrún Kvaran orðabókarrit-
stjóri.
„Þessi rit urðu til á tímanum milli Gamla
testamentisins og Nýja testamentisins og til-
heyra ekki hinu svonefnda regluritasafni
(kanon) kristinna manna. Þær verða gefnar út á
næsta ári í sérstakri bók og stefnt er að því að
bjóða einnig síðar Biblíuna með Apókrýfu
bókunum eins og tíðkaðist hér allt fram undir
síðustu aldamót.
Svo veistu að Biblíufélagið gefur út lestrar-
skrá fyrir allt árið. Henni er dreift ókeypis nteð-
al félagsmanna - þeir eru 1500 - og kristinna
safnaða og samtaka. Hún fæst auðvitað líka hér
niðri í Guðbrandsstofu.“
Guðbrandsstofa er afgreiðsla Biblíufélags-
ins. Nafnið er tengt Guðbrandi Þorlákssýni
biskupi sem gaf út fyrstu Biblíuna á íslensku
1584. Ástráður Sigursteindórsson er af-
greiðslumaður í Guðbrandsstofu. Þarna er oft
ys og þys. Menn koma til að versla og aðrir
hringja og láta senda sér. Biblían er einnig til
sölu í almennum bókabúðum. í Guðbrands-
stofu fást Biblíur á 20 tungumálum.
Mér er rétt hönd
Ljóst er að Biblíufélagsmenn sitja ekki auð-
um höndum. Séra Sigurður vill gjarnan heim-
sækja söfnuði og samtök til að kynna starf fé-
lagsins svo að almenningur viti meira um það
en raun ber vitni. Hann vinnur og að nokkru í
þágu Hallgrímssafnaðar.
En hann finnur einnig tíma til að sinna öðr-
um verkefnum. Hann er stundakennari í trúar-
uppeldisfræði og kennslufræði kristinna fræða
við Kennaraháskólann. Þá er hann að semja
námsefni í kristnum fræðum handa grunnskól-
um í samvinnu við Iðunni Steinsdóttur rithöf-
und.
Undanfarin ár hefur hann notað hluta af
sumarleyfisdögum sínum til að kenna á nám-
skeiðum fyrir kristinfræðikennara sem haldin
hafa verið á vegum nokkurra prófastsdæma í
samvinnu við viðkomandi fræðsluskrifstofur.
„Það er með ólíkindum Itversu vel þessi
námskeið eru sótt miðað við fyrri daga. Ég hef
síðastliðin þrjú ár hitt fleiri kennara en þau sex
til sjö ár sent ég var námstjóri í kristnum fræð-
um og hélt þá stundum námskeið og fræðslu-
fundi. í þann tíð gat ég búist við þremur til fjór-
um þátttakendum. Nú skipta þeir tugum og
liafa jafnvel komist á annað hundrað.“
„Ein samviskuspurning að lokunr. Les fram-
kvæmdastjórinn sjálfur Biblíuna?“
„Já, ég geri það. Ég les t.d. mikið í tengslum.
við verkefni í starfi mínu. Helst les ég rit í sam-
hengi. Ég vil ekki lenda í vanafari og breyti því
til í lestrinum og fæ meira út úr því.
Ég var í öllu uppeldi í návígi við Biblíuna.
Það var þröngt heima og ég svaf lengi sem
drengur í herbergi með foreldrum mínum og
heyrði þau lesa Biblíuna og biðja. Síðan fór ég
að sækja drengjafundi í KFUM. Já, Biblían
varð hluti af hvunndeginunt frá því ég fór að
draga andann.
Biblían er ekki auðveld bók. Hún lætur
mörgum spurningum ósvarað. Hún er líka á-
leitin. Hún ónáðar okkur út af ýmsu sem við
viljum fá að vera í friði með.
Gildi Biblíunnar er mér fyrst og fremst það
að hún birtir mér Krist. Og þrátt fyrir allar gát-
VIÐTAL
urnar og spurningarnar, allan sársaukann sem
getur verið fólginn í því að fá ekki svar, þá birt-
ir hún mér þann Krist sem tekur mig við hönd
sér og segir: „Ég lifi og þér munuð lifa.“ Sú
tylgd getur verið órofin þegar ég verð að skila
þessu lífi.
Fagnaðarerindið finnst mér vera: Mér er rétt
hönd án tillits til þess hver ég er.“
Sá sent á þá trú er nálægt Guði, hvort sem
hann situr uppi í háum kirkjuturni eða fer fót-
gangandi um vindasamt skólavörðuholt mann-
lífsins. Og það er fyrir mestu.
- ba
Efri myndin sýnir
þýðingarnefnd
Biblíufélagsins að
slörfum, en sú neðri
er af hópi starfs-
manna Biblíufélaga
víða í heiminum.
11