Bjarmi - 01.12.1993, Blaðsíða 26

MERKIR
MENN
Hann losaði
sig við allar
eigur sínar,
klæddist gul-
um kyrtli og
lagði af stað í
ævilanga ferð
til að boða
trúna á Krist.
Sundars. Hann lá þá helfrosinn á vegarbrún-
inni. En Sundar og sá sem hann bjargaði
komust lífs af.
Seinna sagði hann að hann hefði aldrei fund-
ið betri líkingu til að skýra orð Jesú: „Sá sem
vill sjá lífi sínu borgið mun týna því og sá sem
týnir því mun öðlast líf‘ (Lúk. 17,35).
Skýr og alvarleg prédikun
Ég á prédikanasafn eftir Sundar Singh í
bókahillunni minni. Það kom út á dönsku 1925
og heitir: „Vakið og biðjið.“ Þar koma fram hin
sérstöku einkenni hans sem prédikara: Allt er
sérlega einfalt og gætt djúpri alvöru. Hér eru
fáein sýnishorn:
„Þó að okkur finnist náttúran yndisleg fær
hún ekki fullnægt sálum okkar. Hún getur veitt
augum okkar fullnægju að vissu marki en ekki
hjörtunum. Þessi heimur veitir okkur ekki frið.
Hann er vissulega verk Guðs en skaparinn einn
getur fullnægt mönnunum og hjörtum þeirra.“
„Við getum ekki skilið það sem andlegt er ef
við verjum ekki einhverjum tíma til bænar og í-
hugunar.“
„Öll önnur trúarbrögð bjóða frelsun ein-
hvern tíma í framtíðinni en Kristur segir:
Núna!“
„Margir telja sig ekki hafa tíma til að biðja.
Sú stund kemur þegar dauðinn knýr dyra. Ætla
þeir líka að segja þá: Við höfum ekki tíma til að
deyja? Dauðinn mun ekki svara: Jæja, þá fer ég
og bíð þangað til þið hafið lokið störfum. Þið
verðið kallaðir skyndilega í burtu og neyðist til
að sleppa vinnunni. Enginn fylgir ykkur um
skuggadal dauðans. Þið verðið að yfirgefa þá
sem þið elskið mest.“
„í kristnu löndunum hafa þeir sem hafa hlot-
ið svo mikla andlega blessun í kristindómnum
týnt þessari blessun af því að þeir vildu hreppa
efnisleg gæði. En þeir sem voru glataðir í
heiðninni byrja núna, þegar trúin er komin til
þeirra, að veita viðtöku mikilli og margvíslegri
blessun.“
„Það er ekki kristindómurinn sem hefur orð-
ið gjaldþrota heldur Evrópumenn sjálfir vegna
þess að þeir skilja ekki Krist.“
„Guð vill ekki leysa okkur undan þjáning-
unni því að hann elskar okkur og veit að þján-
ingin verður okkur til góðs. - Maður nokkur
var að horfa á silkiorm í lirfuhýðinu sínu.
Hann sá að hann reyndi mjög á sig svo að hann
hjálpaði honum að komast út. Ormurinn brölti
svolítið en eftir stundarkorn var hann dauður.
Maðurinn hafði ekki hjálpað honum heldur
eyðilagt hann.
Annar sá silkiorm þjást en hjálpaði honum
ekki. Hann vissi að þessi átök væru orminum
til góðs, hann fengi sterkari vængi fyrir bragð-
ið. Hann var búinn undir lífið utan hýðisins. A
sama hátt hjálpar okkur sársauki og þjáning í
þessum heimi til lífsins í eilífðinni.“
Svo fór að Sundar Singh varð þekktur víða
um heim og var beðinn að koma til margra
landa og prédika. Fólk dreif að til að hlusta á
hann. En framsetning hans var ætíð einföld
sem fyrr og hann var ákaflega nægjusamur í
öllum lifnaðarháttum.
Þegar hann var fertugur tók hann sig upp og
lagði af stað í ferð til Tíbets. Hann kom aldrei
aftur úr þeirri ferð. Vinir hans víða um heim
biðu hans lengi í von um að fá að hlusta á hann
en án árangurs.
Menn settu fram alls konar getgátur: Ræn-
ingjar? Villidýr? Hengiflug? Öðrum kom í hug
ritningarstaður, 1. Mós. 5,24: „Enok gekk með
Guði og hvarf af því að Guð nam hann burt.“
Gunnar Bonsaksen - Evangelisten
FRÁ STARFINU
Starfsmenn SÍK
Skúli Svavarsson dvaldist á Akur-
eyri um miðjan nóvember. Hann talaði
á fjórum kristniboðssamkomum í húsa-
kynnum KFUM og K við Sunnuhlíð.
Síðasta daginn, sunnudaginn 14. nóv-
ember, var kristniboðsdagur og pré-
dikaði Skúli þá jafnframt í útvarps-
guðsþjónustu í Glerárkirkju.
A kristniboðsdaginn talaði Ragnar
Gunnarsson á samkomu í Breiðholts-
kirkju á vegum SÍK, KFUM, KFUK og
KSH. Ragnar skrapp til Vestmanna-
eyja helgina þar á eftir og prédikaði í
guðsþjónustu í Landakirkju og tók þátt
í starfi kirkjunnar þann dag meðal
barna.fermingarbarna og unglinga.
Tvívegis hefur hannfarið til Akureyrar
á haustmisserinu.
Benedikt Arnkelsson steig í stólinn í
Hólskirkju í Bolungarvík á kristni-
boðsdaginn. Hann dvaldist tíu daga
vestra, gisti á Isafirði og heimsótti
grunnskólana þar og í Bolungarvík,
Hnífsdal og Súðavík, hitti börn í
kirkjuskólum og prédikaði í guðsþjón-
ustu á Isafirði sunnudaginn 21. nóv-
ember. Einnig hélt hann almenna sam-
komu á Hlífmeðal aldraðra. Fyrr í
haust ferðuðust þeir Haraldur Ólafs-
son saman til Stykkishólms og Ólafs-
víkur.
Síðustu vikurnar fyrir jól liafa
starfsmennirnir lagt áherslu á að
dreifa í sölu kristniboðsalmanakinu og
jólakortum sem prentuð hafa verið til
ágóða fyrir starfið. í desember hafa
þeir staðið nokkra tíma á dag við sölu-
borð í Kringlunni í Reykjavík.