Bjarmi - 01.06.1999, Blaðsíða 17
á námskeið, bæði fyrir leiðtoga félaganna
og almenning. í samstarfi við Fræðslu-
deild kirkjunnar og ÆSKR hafa KFUM
og KFUK skipulagt námskeið fyrir leið-
toga. Aukið samstarf við íleiri aðila um
leiðtogamenntun, eins og ÍTR, skátana,
íþróttahreyfinguna og íleiri, kemur líka
til greina og gæti skilað okkur menntaðri
leiðtogum og betri tengslum við aðra fé-
lags- og tómstundastarfsemi í hverfum
borgarinnar eða bæjum landsins.
Einlægt, uppbyggilegt
trúarsamfélag
KFUM og KFUK er kristileg æskulýðs-
hreyfing, leikmannahreyfing innan ís-
lensku þjóðkirkjunnar. Þau eru ekki
kirkja heldur félag. Séra Friðrik orðaði
það þannig að félögin væru: „grein í
guðsríkisstarfi hinnar heilögu almennu
kirkju Krists. “
Félögin þurfa að byggja upp öflugt
trúarsamfélag þar sem er rúm fyrir alla;
lélagsfólk, eldri og yngri leiðtoga í starf-
inu, fólk sem er að kynnast félögunum í
fyrsta sinn, unga og aldna. Þangað
þurfum við að geta sótt andlega upp-
byggingu, fræðslu, kærleikssamfélag,
fyrirbæn og sálgæslu. Það er ekki óeðli-
legt að i svona breiðum hópi séu ólíkar
trúarlegar þarfir. Það er ekki víst að
ungt fólk vilji sömu trúarlegu tónlist og
eldra fólk. Það er heldur ekki vist að allt
ungt fólk vilji eins trúarlega tónlist.
Þess vegna er fjölbreytni af hinu góða.
Ég held að það væri hollt að setjast nið-
ur með breiðum hópi félagsfólks til þess
að fá fram skoðanir á þvi hver þörlin er,
hvernig við viljum hafa trúarlegt samfé-
lag saman, þvi þennan þátt þarf nauð-
synlega að styrkja.
Lífshreyfing
„Þess vegna hefur Guð plantað þessa
sjerstöku grein, með hinu sjerstaka
markmiði, að safna mörgum lindum í hið
stóra meginfljót; að gróðursetja æskuna
sem lifandi grein á hinum eina stóra
stofni, svo að æskan getifengið, fgrir út-
breiðslukraft lífshreyfingarinnar. heil-
brigt líf inn í allan persónuleika hins
unga manns. með fullu tilliti til anda,
sálar og líkama.“ Þannig orðaði sr.
Friðrik hlutverk KFUM og KFUK í erindi
sem hann ilutti á sumardaginn fyrsta
árið 1938.
Ég á mér þá von að handan aldamót-
anna eygi ég félag sem er trútt þessari
hugsjón sinni að gróðursetja æskuna á
hinn eina stofn, Jesú Krist, svo hún geti
teygað heilbrigt líf inn í allan persónu-
leika sinn. Til þess að svo geti orðið
þurfum við sjálf, sem berum hag þessa
starfs fyrir brjósti, að standa saman
sem ein heild, vinna af krafti og teyga í
okkur lífsnæringuna frá stofninum.
Gyða Karlsdóttir er starfsmaður Landssambands
KFUM og KFUK.
Forsenda pess að geta haldið úti öflugu starfi
er að hafa nóg afgóðum leiðtogum og nægafjár-
muni. Það parflíka að mennta leiðtogana og
KFUM og KFUK hafa lagt metnað sinn í að efla
leiðtogamenntun.