Heima er bezt - 01.04.1964, Page 9

Guðbjörg Jónsdóltir Theódórs, húsfrú, Stórholti.
Mörgum mun hafa |)ótt skemmtilegt að koma að
Stórholti á þessum árum, ekki sízt á vorin, er ræktunar-
störfin stóðu sem hæst. Mun Guðmundur á alllöngu
árabili hafa staðið frarnar öllum bændum í Dölum í
ræktunarmálum, en áhrif frá áhuga hans og afköstum
hlutu, beint eða óbeint, að beinast til annarra bænda
héraðsins.
Guðmundur átti jafnan mikið af hestum, eftir að
hann var búinn að koma sér á laggirnar í Stórholti, góða
brúkunarhesta, vel tamda reiðhesta og a. m. k. ekki færri
en fjóra úrvals plóghesta, er hann hafði til skiptanna við
plæginguna. Ahugi hans viðurkenndi aldrei slór við
jarðræktarstörfin. Hann var hestamaður og hestavin-
ur, sem hlýtur að fylgjast að, enda reiðmaður ágætur,
og hóf snemma (17—18 ára) tamningu góðhesta. Fyrsta
hestinn tamdi hann er hann var innan við fermingu.
Theódór Johnson, fyrrum bryti á Gullfossi — og
Hrútfirðingur að ætt, — er var um nokkur ár bóndi að
Hjarðarholti í Dölum, var stórhuga í ræktunarmálum.
(Theódór var fóstbróðir Guðm. og náinn vinur.) Hann
keypti fyrsta traktorinn hingað í Dali. Auðvitað kveikti
þetta á svipstundu í Stórholtsbóndanum og árið eftir
keyptu þeir í Saurbænum einnig traktor, en það þýddi
sem kunnugt er gjörbyltingu í túnræktinni. — Vélin
reyndist prýðilega og fyrir hennar störf breyttist mik-
Pdll Theódórs, bóndi og hrepþstjóri, Stórholti.
ið af óræktarmónum í töðuvöll, bæði í Stórholti og
annars staðar í sveitinni. Enn er þessi traktor við lýði
einhvers staðar í Borgarfirðinum, og heldur áfram að
búa í haginn fyrir framtíðina, eða létta störfin á einn
eða annan hátt.
Gamla kargatúnið í Stórholti mun hafa verið milli
10 og 15 dagsláttur að stærð. Nú mun það vera um eða
yfir 60 dagsláttur, en talsverðan hluta þess hefur Páll,
sonur Guðmundar, ræktað. Markalína milli þeirra feðga
liggur hér ekki fyrir.
Maður skyldi nú ætla, að verkefni bónda, er svo
miklu fær afkastað, væri nægilegt dagsverk og ekki um
rúman tíma að ræða til aukastarfa. En svo virðist, að
einstöku menn hafi tíma til alls. Skulu nú nefnd nokk-
ur hin helztu störf, er Guðmundur hefur innt af hönd-
um fyrir sveit sína og hérað:
Hann var hreppstjóri Saurbæjarhrepps í 33 ár, frá
1927 til 1960, eða til áttræðisaldurs.
I hreppsnefnd var hann um langt árabil, og einnig í
fasteignamatsnefnd.
Hann var mörg ár í stjórn búnaðarfélags Saurbæinga
og fóðurbirgðafélags sömu sveitar og eftirlitsmaður
fóðurbirgða í sveitinni um 20 ára skeið.
Hann var í stjórn kaupfélags Saurbæinga í fjölda
ára, ýmist sem formaður eða meðstjórnandi, og starfs-
Heima er bezt 141