Heima er bezt - 02.10.1993, Síða 24

ÍSLENSKAR SKÁLDSÖGUR
BIRGITTA H. HALLDÓRSDÓTTIR:
KLÆKIR
KAMELLJÓNSINS
Þetta er níunda spennubók höfundarins
en bækur hennar hafa allar fengið góðar
viðtökur. Ánægðir ferðamenn á ferðalagi
á hálendi íslands í fallegu umhverfi, en
ekki er allt sem sýnist, KAMELLJÓNIÐ er
á meðal friðsamra ferðamanna...
Spennubók sem nær tökum á lesandan-
um.
Bók nr. 3011 HEB-verð kr. 675
ÞORSTEINN ANTONSSON:
ÁMINNTUR UM
SANNSÖGLI
Svonefnt Geirfinnsmál var á hvers manns
vörum um fjögurra ára skeið, á árunum
1976 til 1980, og var raunar samsafn
meintra glæpaverka undir einu heiti. Bók-
in er söguleg skáldsaga sem fjallar um
málsrannsóknina og skyggnst er bak við
tjöldin í leit að raunverulegu samhengi at-
burða. Það hefur verið og er margra álit
að ekki hafi fundist fullnægjandi skýring á
málinu þótt nokkur ungmenni hafi fyrir
Hæstarétti 1980 hlotið þunga dóma fyrir
tvö manndráp. 468 bls.
Bóknr.3012 HEB-verð kr. 1200
MÁLFRÍÐUR EINARSDÓTTIR:
BRÉF TIL STEINUNNAR
Mestur hluti bókarinnar, þar á meðal hið
langa bréf sem bókin er nefnd eftir, er
skrifaður á árunum 1979-1981, en einnig
eru birt í bókinni fáein eldri rit, svo sem
sagan um Ferðina að Gráglettingi, og
nokkur bréf til danskra vinkvenna skáld-
konunnar
Bók nr. 3013 HEB-verð kr. 500
MÁLFRÍÐUR EINARSDÓTTIR:
TÖTRA í GLETTINGI
í þessari bók segir frá stórbrotnum bú-
skap þeirra hjóna, Auðna og Tötru, á höf-
uðbólinu Gleiðru í Glettingi. Sá búskapur
er bæði fornlegur og hánýtískur, enda
starfa að honum fjórar kynslóðir. Tötra
gerist brátt skörungur og afkastamikil um
framkvæmdir, en lengi er nokkuð tvísýnt
um afrek Auðna, uns hann tekur að
leggja fyrir sig „heimsbjargardundur.“ Les-
endur Málfríðar vita að fáir íslenskir höf-
undar á þessari öld hafa ritað slungnari
og fjörugri stíl en hún, og ekkert lát er á
þeirri leikandi list í þessari bók, nema síð-
ur væri.
Bóknr.3014 HEB-verð kr.500
MÁLFRÍÐUR EINARSDÓTTIR:
RÁSIR DÆGRANNA
Þessi bók er tekin saman úr eftirlátnum
skrifum Málfríðar Einarsdóttur. Annars
vegar er hér efni sem Málfríður vann að á
síðustu árum ævi sinnar, hins vegar eru
eldri skrif, pistlar um ýmislegt efni, list og
skáldskap og um þann vanda að rita á ís-
lensku, lýsingar á umhverfi og aldaranda
og mannlýsingar, svo nokkuð sé talið.
Einnig eru í bókinni dálítil sýnishorn af
blaðagreinum höfundar, og úrval bréfa,
þar eru á meðal elstu skrif Málfríðar í
óbundnu máli sem komið hafa á prent, og
munu koma lesendum hennar nokkuð á
óvart.
Bóknr.3015 HEB-verð kr. 500
ÞORSTEINN ANTONSSON:
DRAUMAR UM FRAMTÍÐ
Sjö sögur um óorðin atvik, á ókomnum
tíma, eða til hliðar við samtíðina, misjafn-
lega raunveruleg, sum á næstu grösum,
önnur við endalok tímans.
Bóknr. 3016 HEB-verð kr. 200
GUÐMUNDUR FRÍMANN:
TVÆR FYLLIBYTTUR
AÐ NORÐAN
Sannar skröksögur um Nóra, sem bæði
var þjófur og ekki þjófur, um furðufuglinn
Úlfdala-Begga, sem skreið eins og votur
hundur upp á Flórídaskagann, um Mis-
ferlið í Rauðhúsum, um Lánsama-Sigga í
Kvisthaga, sem fann konuefnið sitt úti á
víðavangi, um sumarharmsögu Skara og
Nóru, um Kóngsgarðs-Möttu, sem lækn-
aði höfund bókarinnar af kvenfælninni,
um fleira gott fólk.
Bóknr.3017 HEB-verð kr. 400
JÓN BJARMAN:
DAUFIR HEYRA,
SÖGUR ÚR ÞJÓNUSTU
í þessari bók er brugðið upp mynd frá
sjónarhorni ungs prests í Reykjavík. Les-
andinn fylgir prestinum í vitjun til deyjandi
manns, situr við hlið hans á meðan hann
talar á milli hjóna, sér hann sporðrenna
brauðtertu í skírnarveislu og fylgir honurr
inn í fangaklefa, svo fátt eitt sé nefnt. í sjc
sjálfstæðum þáttum lýsir Jón högum og
vanda þeirra sem leita eftir þjónustu
prestsins, þar er vissulega ekki allt sem
sýnist.
Bók nr. 3018 HEB-verð kr. 250
JÓN MÝRDAL:
MANNAMUNUR
Mannamunur eftir Jón Mýrdal er ein af
fyrstu íslensku skáldsögunum og því
merkilegt verk í bókmenntum okkar.
Jafnframt er bókin vinsæl skemmtisaga,
sem hver kynslóð á fætur annarri les sér
til ánægju og þykir fróðleg heimild um
horfna tíð. Þetta er langvinsælasta saga
Jóns Mýrdals og hefur verið prentuð aftur
og aftur. Hún er hér í fimmtu útgáfu með
skemmtilegum teikningum eftir Halldór
Þétursson listmálara.
Bók nr. 3019 HEB-verð kr. 400
BRAGI SIGURJÓNSSON:
LEIÐIN TIL
DÝRAFJARÐAR
Bragi Sigurjónsson fer eigin götur í smá-
sagnagerð, grípur efni úr ýmsum áttum,
margbreytilegir einstaklingar koma fram
hjá honum og ýmiss konar atburðir ger-
ast. Sumar sögur Braga munu ugglaust
hneyksla einhverja, aðrar kitla hláturtaug-
arnar, enn aðrar vekja áleitna umhugsun.
Bók nr. 3020 HEB-verð kr. 20
SOFFÍA JÓHANNESDÓTTIR:
ÖRLAGARÍK ÁKVÖRÐUN
Hér er skarplega á málum tekið og ritað
um ástir og örlög manna á þann hátt að
spennan fylgir lesandanum frá upphaf.
Bók nr. 3021 HEB-verð kr. 350
AÐALHEIÐUR KARLSDÓTTIR
FRÁ GARÐI:
STURLA FRÁ
STEKKJARFLÖTUM
Þetta er sagan af Sturlu, ungum bónda-
syni, sem er vart kominn af barnsaldri, er
hann missir föður sinn, sagan af Matthildi,
móður Sturlu, sem ekki á sjö dagana
sæla við búskaparhokur í sveitinni eftir að
bóndinn er horfinn úr lifenda tölu, sagan
af Ögmundi, útgerðarmanninum, sem býr
24
Bókaskrá