Heima er bezt - 02.10.1993, Blaðsíða 59

TIL FRÓÐLEIKS OG SKEMMTUNAR %
slíkum „sannleika" og hafa löngun til þess
að fræða um þetta mál eins og gefast
kunni, sem þó var fyrirfram sýnt, að
mundi lítið þakklátt mál, því að þeir sem
trúa í blindni þykjast ekki þurfa þekkingu
og tekur það til margra mannlegra efna.“
2. útg.
Bóknr.6142 Heb-verð kr. 300
BENEDIKT GÍSLASON
FRÁ HOFTEIGI:
í SÖGUTÚNI
Flest af því sem hér birtist er áhugavert
fyrir þá sem vilja skyggnast betur inn í
þær aldir sem minnst hefur verið fjallað
um í sögu landsins, fjórtándu og fimmt-
ándu öldina. Á þeim tímum koma margir
menn við sögu sem ekki er vitað hvernig
tengjast fyrri tíma mönnum, hvorki að ætt
né mægðum. Hér er fyrir hendi mikið
rannsóknarefni í sögu, að skipa mönnum
í rétt sæti, enda skýrir það gjarnan óljósa
þætti í framvindu sögunnar. Höfundur
taldi sig hafa fundið nokkra leiðarsteina
sem auðvelda að finna leiðina að þessu
marki. Má þar til nefna fornar nafngifta-
reglur, ættaróðalsréttinn og niðurstöður
staðamála. í þeim þáttum sem hér fylgja
eru málin oftast skoðuð út frá þessum
sjónarmiðum.
Bóknr.6143 Heb-verð kr. 250
ÞORSTEINN MATTHÍASSON:
ÉG RAKA EKKI
í DAG, GÓÐI
Þegar við lesum sögu þjóðarinnar, fáum
við fyrst og fremst hugmynd um líf þeirra
karia og kvenna, sem risið hafa úr hafi
meðalmennskunnar og verið áberandi
með hverri kynslóð. Við fáum tækifæri til
að leggja okkar dóm á störf þeirra og
heiðra minningu þeirra, ef okkur finnst
það við eiga. Við höldum á lofti nöfnum
þeirra manna, sem staðið hafa í farar-
broddi með hverri kynslóð og segjum að
þjóðin eigi þeim gott eða grátt að gjalda. í
þessari bók eru birtir nokkrir þættir úr
þjóðlífi voru, brot úr gullastokki íslenskrar
alþýðu.
Bóknr.6144 Heb-verð kr. 250
SR. KJARTAN HELGASON
HRUNA, O.FL:
GAMLAR TALGÁTUR
Gátur þær, sem hér koma fram á sjónar-
sviðið eru af sérstakri gerð og gamlar þó.
Höfundar nefna þær talgátur, en nú þætti
talnagátur sennilega réttara nafn, en sjálf-
sagt er að þær beri það heiti, sem þeim
var gefið í upphafi. Gátur þessar urðu
þannig til að höfundar höfðu það að leik
sínum að semja þær og senda hver öðr-
um. Mun það einkum hafa verið á tímabil-
inu 1905-1913, að því er best verður vit-
að. Er efni þeirra stundum bundið við
samvinnu höfunda eða ferðalög.
Bóknr. 6145 Heb-verð kr. 200
VIGFÚS GUÐMUNDSSON:
BREIÐABÓLSTAÐUR í
FLJÓTSHLÍÐ
Vigfús Guðmundsson var gerhugull og
nákvæmur rithöfundur. í þessari bók fjall-
ar hann um Breiðabólstað í Fljótshlíð,
gerir nákvæma grein fyrir ábúendum og
prestum þeim, sem staðinn hafa setið,
rekur sögu kirkjunnar og eigna hennar og
lýsir bæjarhúsum og hjálendum.
Bóknr.6146 Heb-verð kr. 400
HITT í MARK
HNYTTIN TILSVÖR
GUNNAR ÁRNASON SAFNAÐI
Dæmi um efnistök:
Yfirlæknir á geðspítala var afar bráðlynd-
ur og ómjúkur í orðum, ef eitthvað bar út
af. Eitt sinn er honum gekk seint að fá
umbeðið símtal, argaði hann í símastúlk-
una: „Vitið þér nokkuð hver ég er?“ „Nei,“
svaraði stúlkan blíðum rómi. „En ég veit
hvar þér eruð.“
Bóknr.6147 Heb-verð kr. 200
BJÖRN MAGNÚSSON:
GUÐFRÆÐINGATAL
1847-1976
í þessari bók eru æviskrár nálega 570
manna, allra þeirra guðfræðinga, sem
lokið hafa prófi frá Prestaskólanum og
guðfræðideild Háskóla íslands og að auki
þeirra, sem luku guðfræðiprófi frá Hafnar-
háskóla eftir að Prestaskólinn var stofn-
aður. Gerð er grein fyrir ætterni manna,
námsferli og starfsferli, ritstörfum, hjúskap
og börnum og vísað til nánari umsagna
um þá í bókum, blöðum og tímaritum, eft-
ir því sem til hefur náðst.
Bóknr.6148 Heb-verð kr. 900
FREDERIK WILÖFF:
HEILLAR MIG SPÁNN
Líklega hafa á Spáni geisað styrjaldir,
uppreisnir og borgarastríð meira en í
nokkru öðru landi Evrópu. Landið er brú
milli tveggja heimsálfa. Gíbraltarsundið er
ekki svo breitt, að það hafi orðið veruleg-
ur þröskuldur fyrir innrásarheri, sem á
umliðnum árþúsundum hafa flætt inn í álf-
una frá löndum Afríku. Saga Spánar er
stórbrotin. Spænska þjóðin er glæsileg og
tignarleg í fasi. List hennar sérstæð.
Byggingarstíllinn vekur athygli ferða-
mannsins. Hann er sambland af franskri
list og byggingarstíl Múhameðstrúar-
manna. Höfundurinn kynnir okkur þetta
litríka land, sögu þess, kirkjusiði, listina
og hið ólgandi þjóðlíf.
Bóknr.6149 Heb-verð kr. 300
STEFÁN BJARNASON:
ÍSLENSKIR
SAMTÍÐARMENN
Höfundur segir í formála um tilurð bókar-
innar:
„Skyldi að því stefnt að taka í ritið flesta
þá aðila sem áttu heima í því samkvæmt
skilgreiningu við val manna í fyrri bindin,
en af einhverjum ástæðum komust ekki
með þá. Einnig skyldu teknir með þeir að-
ilar, eldri sem yngri, sem síðar hafa til
komið og falla undir þá skilgreiningu, en
hún var þessi: Allir þeir, er gegna eða
gegnt hafa meiri háttar opinberum störf-
um í þágu ríkis, höfuðborgar, bæjarfélaga
og sveitarfélaga, enn fremur athafna-
menn, forstöðumenn eða aðrir sérstakir
trúnaðrmenn fyrirtækja í ýmsum starfs-
greinum, forvígismenn í félagsmálum og
annarri menningarstarfsemi, rithöfundar,
listamenn, sem viðurkenningu hafa hlotið
og ýmsir fleiri, sem eigi er unnt að gera
tæmandi grein fyrir í stuttu máli.“
Bóknr.6150 Heb-verð kr. 450
Bókaskrá
59