Æskan - 01.02.1971, Síða 4

höndina, þar sem fljótlegt er að fletta upp I henni, ef á
þarf að halda.
Allir ættu að kunna lífgunaraðferð. Ég fullyrði, að allir,
sem orðnir eru tíu ára, ættu að kunna blástursaðferðina!
Oft sér maður í blöðunum, að mannslifum er bjargað
með þessari aðferð, og það er ávallt mikið gleðiefni.
Ef menn sjá aftur á móti, að þeir geta ekki hjálpað, þá
er betra að gera ekkert en að gera eitthvað skakkt. Ef
svo er, er sjálfsagt að flýta sér að kalla á hjálp þeirra,
sem vit hafa á, lækni eða sjúkrabíl. Fólk ætti að setja
á sig símanúmer læknis eða læknavaktar á hverjum stað,
svo að því gangi greiðlega að hringja á hjálp.
í heimahúsum er hægt að ráða bót á flestu, sem hendir.
Ég ætla að byrja með því, ef eitthvað hrekkur upp í
augað. Ef ekki er hægt að ná því með varkárni með horni
á hreinum vasaklút, geta menn reynt að skola augað með
saltvatní, eina teskeið salt í hálfan lítra af vatni. Skyldi
það líka misheppnast, verða menn að leita læknis.
Jafnalgengt er að börn hrufli sig. Þvoið varlega með
volgu vatni og sápu kringum sárið, hellið dálitlu brint-
overilti yfir sjálft sárið (við það renna óhreiryndin í burtu)
og berið rautt joð í kring.
Ef sárið er lítið, grær það fljótast án urrrbúða. Sé það
nokkuð stórt, þarf að binda um það, setja á það skyndi-
plástur eða sárabindi, fest með heftiplástri. Fari að grafa
í því, er sjálfsagt að fara til læknis eða spyrja lækni ráða.
Viðvíkjandi heftiplástri, þá er margt fólk, sem hefur
ofnæmi fyrir togleðrinu i bindiefninu, en fyrir það íæst
sérstakur heftiplástur í lyfjabúðum.
Annan hátt verður að hafa á, ef um rispu eða sár er
að ræða. Fyrst þarf að stöðva blóðrásina, t. d. með því
að þrýsta fast ofan á sárið með hreinum vasaklút. Sé
rifan lítil, má, þegar hröinsun er lokið, setja nokkra smá-
búta af heftiplástri á brúnirnar til þess að halda henni
saman. Ef rifan er svo breið, að hún gapi, verður að leita
læknis. Ef til vill þarf nokkur spor til þess að tryggja, að
örið verið svo lítið sem unnt er.
Þóra M. Stefánsdóttir þýddi.
Dregið
í verðlaunagetraun
Trölla
Þessi tilkynning átti að birtast í síðasta blaði,
en barst of seint til þess að hún kæmist í það.
Verðlaunin hlutu: Hrafnhildur Kristjánsdóttir,
Víðivöllum 24, Selfossi, Ragnar T. Geirsson, Laug-
arnesvegi 108, Reykjavík, og Sigrún Guðmunds-
dóttir, Bröttugötu 3, Vestmannaeyjum.
Þeim hefur verið tilkynnt um heppni sína, og
afhending verðlaunanna hefur þegar farið fram.
í næsta blaði birtast svo nöfn næstu þriggja
verðlaunahafa.
Starfsstúlka Útvegsbanka Islands
dregur nöfn fyrstu þriggja verðlaunahafanna.
4