Æskan - 01.06.1986, Page 26

eftir
Kristínu
Steinsdóttur
1. Hætta á ferðum
„Gættu þín, Finnur!
Þú ert að aka út af,“
hrópaði mamma.
Pabbi þreif í stýrið
og bíllinn kastaðist til.
Dót datt yfir Jóa.
Hann sat í aftur-sætinu
hjá Ásu Völu stóru systur
og Pésa litla bróður.
„Hún er svei mér undarleg
þessi vél.
Hún flaug allt of lágt,“
sagði pabbi gramur.
„Ég hélt að hún ætlaði
að lenda á okkur.
Einhver bjáni
hefur setið við stýrið!!“
Jói var á leiðinni norður
í Víðihlíð.
Hann var með pabba, mömmu,
Pésa og Ásu Völu.
Víðihlíð var sumarhús
sem þau áttu.
Þau óku upp að hliðinu.
Undarlega vélin var horfin
á bak við trén
í Stóra-Rjóðri.
2. Víðihlíð
Næsta morgun skein sólin
inn um stóra gluggann
á Víðihlíð.
Pabbi var að hlusta
á veðrið.
„Enn rignir fyrir sunnan.
Það er gott að vera komin
hingað norður í frí,“
sagði hann við Jóa.