Æskan - 01.01.1994, Qupperneq 14

í 7. tölublaði Æskunnar 1993 efndum
við til könnunar á vinsældum íþrótta-
manna. Lesendur áttu að nefna þrjá í-
þróttamenn sem þeir dáðu mest, karla
eða konur, íslenska eða erlenda. Lýsing
á þeim sem skipað var í fyrsta sætið
skyldi fylgja.
Nú eru úrslit Ijós. En rétt er að taka
fram áður en við lýsum þeim að vinsæld-
ir eru breytilegar. Mismikið ber á íþrótta-
mönnum og -greinum eftir árstíðum og
afrek, sem unnið er skömmu fyrir könn-
un, getur fleytt þeim sem vann það í
efstu sæti þó að hann hefði tæpast skip-
að þau ella. Stigin dreifðust mjög. Alls
fengu 52 íþróttamenn atkvæði, af þeim
var 19 raðað í fyrsta sæti.
Þetta var álit lesenda Æskunnar í
september 1993:
1. Michael Jordan 37 stig
2. Charles Barkley 21 stig
3. Carl Lewis 17 stig
4. Sigurður Sveinsson 13 stig
5. Shaquille O Neal 9 stig
6. Sigrún Huld Hrafnsdóttir 8 stig
7.-8. Merlyn Ottey og Patrick Ewing
7 stig
9.-10. Arnar Freyr Ólafsson og
Magnús Scheving 4 stig
Tíu þátttakendur fá að launum mynd-
arlega lukkupakka; fimm fyrir góða lýs-
ingu á íþróttamanni, fimm voru valdir af
handahófi.
íþróttamanni lýst (í stafrófsröð):
Bryndís Kristjánsdóttir,
Borgarholti, 801 Selfoss.
Jón Gunnar Þórðarson,
Frostaskjóli 103,107 Reykjavík.
Laufey Skúladóttir,
Tannstaðabakka, 500 Brú.
Lena Björk Kristjánsdóttir,
Spóarima 23, 800 Selfoss.
Ólafur Ingibergsson,
Gilsbakka vA/atnsenda,
110 Reykjavík.
Valið af handahófi:
Ásgeir Ingason,
Norðurbyggð 7, 815 Þorlákshöfn.
Ásta Kristín Benediktsdóttir,
Arnarvatni, 660 Reykjahlíð.
Henry Þór Baldursson,
Skipagötu 5, 600 Akureyri.
Sigrún Inga Reynisdóttir,
Sogavegi 28, 108 Reykjavík.
Sigurður R. Ólafsson,
Sundabakka 12, 340 Stykkishólmi.
Aðalverðlaunin eru íþróttafatnaður
eða skór - eða spjald með körfu. Dregið
var úr seðlum þeirra tíu sem taldir hafa
verið. Henry Þór Baldursson hafði
heppnina með sér.
Kærar þakkir fyrir þátttökuna!

N
TT
Að þessu sinni birtum við lýsingu Jóns Gunnars Þórðarsonar:
TIM HARDAWAY
Tim Hardaway leikur með Golden
State Warriors í NBA deildinni. Hann
heitir fullu nafni Timothy Duane
Hardaway. Hann er „aðeins“ 183 sm á
hæð og vegur 79 kg en það þykir lítið
miðað við NBA leikmann. Hann er 27
ára, snöggur og lipur, líkist Isiah
Thomas í leik.
Tim var fæddur í Chicago og ólst
upp hjá ömmu sinni i lítilli íbúð í fjöl-
býlishúsi. Þegar hann var sex ára á-
kvað hann að æfa körfuknattleik.
Honum var sagt að hann gæti ekki
verið með af þvi að hann væri of lítill
og hefði ekki nægan stökkkraft. En
hann hafði bætt úr því þegar hann var
orðinn táningur og fékk þá að æfa
með liði. Menn urðu hissa á hve mik-
inn stökkkraft þessi ungi strákur hafði
því að hann gat troðið i körfu í NBA
hæð - 3.05 m.
Tim fór í háskóla í Texas (Texas El
Paso) og æfði körfuknattleik með há-
skólaliðinu. Honum gekk ekki vel
fyrsta árið. En annað árið var ágætt og
þá var hann með 10 stig að meðaltali i
leik og hirti tvö fráköst. Hittnin var þó
ekki nógu góð. Þriðja árið hafði hann
13,6 stig að meðaltali og þrjú fráköst.
Síðasta háskólaárið lék hann mjög vel
- var með 22 stig að meðaltali og hirti
fjögur fráköst. Litli maðurinn var farinn
að sýna sitt rétta andlit.
VALINN TIL GOLDEN STATE WARRIORS
Tim Hardaway var valinn til Golden
State í 14. vali 1989. Hann var valinn í
nýliðalið ársins. Hann var kominn á
svið með þeim sem best röktu knött-
inn (,,drippluðu“) í NBA deildinni.
Fyrsta árið notaði hann til að kynn-
ast deildinni og fór hægt af stað. Hann
var með 14,7 stig aö meðaltali í leik
og fjögur fráköst. Honum gekk ágæt-
lega þetta ár með góðri hjálp félaga
sinna, sérstaklega Mitch Richmond og
Chris Mullin.
Annað árið lék hann mjög vel. Þá
komst meðaltalið í 22,9 stig og 9,8
stoðsendingar. Hann hirti fjögur frá-
köst að jafnaði og lék alla leikina
1990-1991. Engin spurning var að
þessi framtíðarleikmaður fengi að
spila í stjörnuleik. f honum skoraði
hann fimm stig, átti fjórar stoðsend-
ingar og hirti þrjú fráköst - þó að hann
léki einungis [ tólf mfnútur.
Þriðja árið í deildinni stóð Tim sig
mjög vel. Hann skoraði 23,4 stig til
jafnaðar í leik, átti tíu stoðsendingar
og hirti 3,8 fráköst. Hann keppti í
stjörnuleiknum og náði hvorki meira
né minna en 14 stigum og átti sjö
stoðsendingar. Hann lék [ 20 mínútur
og var varamaður Magics Johnsons.
í byrjun þessa keppnisárs meiddist
hann og missti af 16 leikjum. En í
þeim 66 leikjum, sem hann tók þátt í,
spilaði hann mjög vel. Nú hefur hann
21.5 stig, hirðir fjögur fráköst og á
10.6 stoðsendingar að meðaltali.
Hann lék stjörnuleikinn, skoraði 16
stig og lék stórkostlega - en hitti þó
ekki nógu vel úr vítaskotum.
Timothy Duane Hardaway er einn
besti, fjörugasti og tæknilegasti leik-
maður NBA deildarinnar.
(Tim hefur ekki getað leikið síðan í
haust vegna meiðsla).
14 Æ S K A N