Æskan - 01.01.1994, Side 36

A NYJUM EN ÞO GAMALKUNNUM SLOÐUM
- ANDREA 06 SI66A SE6JA FRÁ.
Vinsælustu söngkonumar í vin-
sældavali Æskunnar reyndust vera
þær Sigríður Beinteinsdóttir og
Andrea Gylfadóttir. Það er ekkert
nýtt - þær hafa verið með þeim
vinsælustu undanfarin ár. En nú er
dálítið nýtt af þeim að frétta ...
SIGGA:
„Stjórnin hélt lokadansleik sinn
á Akureyri í janúar. En nú er ég að
æfa með nýrri hljómsveit sem
kemur fyrst fram í apríl. Hún er
nafnlaus enn þá. Við Friðrik Karls-
son gítarleikari höfðum frumkvæði
að því. Með okkur eru Guðmundur
Jónsson gítarleikari, Þórður Guð-
mundsson bassaleikari og Halldór
Hauksson trommuleikari.
Við munum leika poppmúsík,
dálitlu hrárri en tíðkast hefur und-
anfarið. Þlötu með hljómsveitinni
er varla að vænta fyrr en í haust
en búast má við lögum á safnplötu
í sumar. Við flytjum bæði frum-
samin lög eftir félaga hljómsveitar-
innar og önnur vinsæl lög. Við höf-
um nóg af efni úr að moða enda
eru vanir lagasmiðir með mér.
Stórhljómsveit Siggu Beinteins
verður í tvo mánuði á Hótel íslandi
í vetur. Strákarnir í þeirri „nafn-
lausu“ verða með mér þar ásamt
fleirum ..."
ANDREA
„Já, Todmobile er hætt - og
ekki á dagskrá að byrja aftur en
allt getur gerst.
Ég hef sungið í söngsveitinni
Borgardætrum síðan í fyrravor. Við
ætluðum fyrst einungis að halda
eina tónleika en þeir urðu fimm!
Síðan höfum við komið fram öðru
hvoru. Okkur datt í hug að syngja
inn á plötu og gerðum það. Skífan
gaf hana út í fyrrahaust. Við flytj-
um mestmegnis söngva sem
Andrews-systur gerðu vinsæla;
stríðsáramúsík.
Ég syng líka „sóló“ við píanó-
undirleik Kjartans Valdimarssonar
- blús og jass.
Við Þorvaldur Bjarni erum að
vinna að nýju efni og stefnum að
því að gefa það út. Það er í stíl
okkar Þorvaldar, poppdansmúsík
((
3 6 Æ S K A N