Æskan - 01.01.1994, Side 56

Nýlega fór fram kjör íþróttamanns
ársins. Sigurbjörn Bárðarson hesta-
maður úr Fáki bar sigur úr býtum.
Næstir honum að stigum komu Geir
Sveinson handknattleiksmaður og
Sigurður Jónsson knattspyrnumað-
ur. Þeir þrír voru langefstir að at-
kvæðum. Æskan óskar Sigurbirni
hjartanlega til hamingju með titilinn -
og Geir og Sigurði meö árangurinn.
íþróttafréttamenn eiga atkvæðis-
rétt í kjörinu. Það fór nú fram í 38.
sinn. Þetta er í fyrsta skipti sem
hestaíþróttamaður hlýtur þessa við-
urkenningu.
í 5. tbl. Æskunnar í fyrra svaraði
Geir aðdáendum og þá birtist einnig
viðtal Hrafnhildar Valgarðsdóttur við
Sigurbjörn! í upphafsorðum sagði
hún:
„Enn læddist ég fram hjá stórum
hestaskrokkum og kom loks auga á
manninn, þennan margfalda meist-
ara hestamanna, rauðhærðan og
brosmildan, grannan og snaggara-
legan ..."
Sigurbjörn hefur oftar orðió ís-
landsmeistari, Evrópumeistari og
heimsmeistari en nokkur annar. í
fyrra vann hann nánast allt sem
hægt var að vinna - t.a.m. þrenn
gullverðlaun á heimsmeistaramótinu
í Hollandi! Hann var einnig útnefndur
skeiðreiðarmaður ársins af Alþjóða
skeiðmeistarafélaginu.
Hér fer vel á að birta lýsingu Bryn-
dísar Kristjánsdóttur, Borgarholti í
Biskupstungum, á eftirlætisíþrótta-
manni sínum, knapanum Sigurbirni
Bárðarsyni - en hún fylgdi kjörseðli
Bryndísar í vali Æskunnar á vin-
sælasta íþróttamanninum:
„Sigurbjörn gengur undir gælu-
nafninu Diddi og er líka oft kallaður
Gullbjörninn því að hann hirðir oft
mörg gullverðlaun á hestamótum.
Hann er fæddur í Reykjavík 2. febrú-
ar 1952. Hann ólst líka upp í Reykja-
vík en var oft í sveit í Skagafirði.
Hann er Ijósrauðhærður, alskeggjað-
ur og meðalmaður á hæð en ég er
ekki viss um augnalitinn. Hann er á-
vallt glaðlyndur og algjör bindindis-
maður á tóbak og áfengi. Hann er
kvæntur Fríðu H. Steinarsdóttur og
þau eiga fjóra krakka saman, tvo
stráka og tvær stelpur. Þau eiga
heima rétt hjá Elliðavatni en eiga
hesthús og reiðskemmu í Víðidaln-
um. Á veturna er hann alltaf með
lærisveina sem hjálpa honum í hest-
húsinu. Þeir hafa oft orðið frægir
seinna meir. Sigurbjörn hefur oft
fengið tilboð erlendis frá, t.d. um að
vinna á búgarði fyrir geysimikla pen-
inga, en hann vill frekar vera hér
heima í hörkunni því að hann segist
bara leggjast í rólegheit þarna úti og
það á nú ekki við hann! Hann hefur
unnið marga íslands- og heims-
meistaratitla og kom til að mynda
heim með þrjá gullpeninga af síð-
asta heimsmeistaramóti. Ég ætla að
láta þetta duga og vona að þið hafið
orðið einhvers vísari um Didda Bárð-
ar.“
5 6 Æ S K A N