Æskan - 01.04.1994, Qupperneq 42

EINELTI
Kæri þáttur!
Mig langar til að minnast aðeins á
einelti eins og hefur verið gert áður í
þessum þætti. Mér finnst að þeir
sem leggja aðra í einelti séu bara al-
gjörir bjánar. Það lýsir best þeim
sjálfum sem aðhafast þetta. Það er
merki um vanþroska. Einelti á hvergi
að eiga sér stað.
Ég var stundum lögð í einelti fyrir
nokkrum árum. Það er reyndar reynt
enn þá en ég tek það ekki til mín.
Mikið er gaman að sjá svipinn á
þeim sem stríða þegar maður snýr
öllu upp á þá!
Til þeirra sem eru lagðir í einelti:
Látið þetta ekki setja ykkur út af lag-
inu. Haldið áfram ykkar striki þó að
það sé erfitt.
Það fer mjög í taugarnar á mér
þegar margir krakkar leggjast á einn
og stríða honum. Engir geta gert að
því þó að þeir séu ekki eins og best
vaxni maður heims eða fegurðar-
drottning - eða að foreldrarnir hagi
sér öðruvísi en gengur og gerist.
Litli, svarti Sambó.
SVEFN
Ég hef mikið verið að velta einu
fyrir mér. Hvað gerist þegar maður
sofnar? Ég á ekki við þegar talað er
um að sofna svefninum langa heldur
bara sofna á kvöldin.
Hvað gerist? Slokknar á heilan-
um? Þrengjast æðarnar - eða hvað?
Hvað er það sem gerist?
Ein hugsi.
Svar Æskunnar:
Guðsteinn Þengilsson læknir
sagði okkur að engin ein einföld
skýring væri til á svefninum. En hann
sé hvíldar- og endurnæringarástand
líkamans, einkum miðtaugakerfisins,
og taki við af vöku m.a. vegna
þreytu í líkamanum sem hafi áhrif á
heilann. Minna súrefni berst til heil-
ans en þreytuefni safnast upp. Dag-
vitundin hverfur.
í svefni (draumum) starfa önnur
svið heilans en í vöku.
Skynjun örvar líkamsstarfsemina.
Þegar við lokum augum dregur úr á-
hrifum hennar og skilyrði skapast til
að sofna...
SJÁLFSTÆÐI
Mér finnst það heimska að ung-
lingar skuli reyna að neyða aðra til
að reykja eða drekka og ýta úr
hópnum þeim sem ekki vilja fylgja
þeim.
Unglingar! Ekki láta neyða ykkur
til neins sem þið viljið ekki sjálfir!
Það er ekki “töff” að reykja eða
drekka.
Verið sjálfstæðir!
Ákveðin.
KEÐJUBRÉF
Kæra Æska!
Ég er orðin rosalega þreytt á því
að fá send keðjubréf frá krökkum
sem ég kannast ekkert við. Sumir
eru mjög frekir og skrifa að maður
sé heimskur letingi ef maður taki
ekki þátt í keðjunni.
Mér finnst þetta vera algjör dóna-
skapur. Krakkar geta látið einhverja
sem þeir þekkja og vilja vera með í
keðjunni hafa bréfin en eiga ekki að
senda þau ókunnugum. Það er eins
og maður megi ekki birta nafn sitt í
pennavinum eða fá verðlaun fyrir
þraut því að þá fær maður send
keðjubréf. Ég hef fengið sex slík bréf
á þessu ári og er orðin leið á því.
Keðjan.
4 2 Æ S K A N