Árbók (Kristilegt bókmenntafélag) - 01.01.1934, Qupperneq 42

36
um fram og aftur um Bandaríkin og Kanada.
Kona hans dvaldi á þeim tíma lengi í Dulutl
Minn., og hélt hann þar líka til hjá henni og
börnum þeirra við og við. Hann andaðist í
Winnipeg 10. jan. 1911, án nokkurrar undan-
genginnar banalegu. Hafði hann kennt hjarta-
bilunar nokkurn tíma áður, en ekki gefið sér-
legan gaum að því. Það varð honum að dauða-
meini. Hin ágæta kona hans lifði hann og dvaldi
eftir það í Winnipeg hjá nokkrum af börnum
sínum. Af dætrum hans giftust að minnsta
kosti tvær mönnum af öðru þjóðerni, og áttu
mörg mannvænleg börn.
Séra Oddur var maður hinn glæsilegasti í
útliti og framgöngu, stór og þrekinn, og höfð-
inglegur. Hann var hinn mesti hugsjónamaður
og átti fjör og áhuga fyrir því að koma hug-
sjónum sínum í framkvæmd. Hann hlífði sér
aldrei og lét sér ekkert í augum vaxa. Hann átti
aflsterka trú og fraust hans á forsjón og hand-
leiðslu Guðs var óbilandi. Kraft trúarinnar
vildi hann sýna í verki og lagði sjálfan sig í
sölurnar fyrir hugsjónir sínar. Hann var karl-
menni að burðum og sterkur í lund. Hann varð
mörgum til rnikillar hjálpar og blessunar, bæði
í andlegum og tímanlegum málum. Æfi hans
var margbreytt og merkileg og mætti skrifa
um hann stóra bók, áhrifamikla eins og skáld-
sögu. Dr. Jón Bjarnason, hinn mikli prests-