Muninn - 01.05.1963, Blaðsíða 28
Sunnudaginn 28. apríl mættu lið skólans í
hand- og körfuknattleik liðum úr verzlunarskól-
anum, er var á ferð hér nyrðra.
í handknattleik sigraði M. A. eftir mjög spenn-
andi leik með 38 mörkum gegn 34.
Stuttu eftir að leikur hófst stóðu leikar 10—2
fyrir Verzlunarskólann, en í hálfleik 18—16 fyrir
MA.
f körfuknattleik sigruðu verzlunarskólamenn
aftur á móti. Staðan í hálfleik var fyrir Verzlun-
arskólann.
HANDKNATTLEIKSMÓT
í. M. A. hófst 31. janúar með þátttöku 7 liða, og
léku allir við alla. Keppni í mótinu var nokkuð
jöfn og all-spennandi. Þegar á mótið leið, þótti
sýnt, að keppnin um meistaratitilinn stæði milli
þriggja liða: III. bekkjar A-liðs, V. og VI. bekkj-
ar. Að lokum fór þannig, að III. og VI. bekkur
léku saman til úrslita. Var sá leikur mjög spenn-
andi og eftir réttan leiktíma stóðu leikar jafnt.
Síðan var leikurinn framlengdur um 2x5 mín.
Var það mikill bardagi, en á siðustu mínútu náði
VI. bekkur yfirhöndinni og sigraði.
Annars var endanleg röð liða út úr mótinu
sem hér segir:
1. VI. bekkur 12 stig
2. III. bekkur 10 stig
3. V. bekkur 8 stig
4. IV. bekkur 6 stig
5. III. bekkur B-lið 4 stig
6. Lpd. 2 stig
7. IV. bekkur B-lið 0 stig.
Þess ber að geta að afloknu þessu móti, að nú-
verandi VI. bekkur hefur sigrað handknattleiks-
mót skólans alla sína tíð hér í skólanum og
aldrei tapað leik innan skólans, en gert tvö
jafntefli. Undanfarin fjögur ár hefur uppistaða
skólaliðsins yfirleitt verið úr þessum bekk.
í VI. bekkjarliðinu í vetur voru eftirtaldir
menn:
Ingvar Viktorsson.
Erlingur Runólfsson.
Hannes Haraldsson.
Guðmundur Björnsson.
Ásbjörn Sveinsson.
Kristján Ólafsson.
Björn Bjarnason.
NORÐURLANDSMÓT
í handknattleik innanhúss hófst laugardaginn 27.
apríl. Eitt lið keppir þar fyrir skólans hönd, og
er það I. fl. karla. Léku þeir sinn fyrsta leik á
Húsavík við Völsunga og sigruðu 47—46. Töl-
urnar gefa til kynna, að leikurinn hafi verið jafn,
en svo var þó ekki. Skólamenn höfðu alla tíð
yfirhöndina, en þreytu fór að kenna í liðinu, er
líða tók á, sem er eðlilegt. Lið skólans leikur svo
til úrslita við K. A. hér á Akureyri, en þegar
þetta er ritað, er ekki vitað hvenær sá leikur
mun fara fram.
KÖRFUKNATTLEIKSMÓT
skólans hófst 18. marz og lauk þann 4. apríl. Sjö
lið tóku þátt í mótinu og léku öll í einum riðli.
Mótið var fjörugt, og valt þar á ýmsu. Að úrslita-
leiknum einum óleiknum hafði VI. bekkur einn
allra unnið sína leiki. VI. bekkur sigraði svo IV.
bekk í síðasta leiknum og hafði þar með sigrað
í bessu móti með vfirburðum.
Annars var röð efstu liðanna sem hér segir:
1. VI. bekkur.
2. -3. III. bekkur A-lið.
2.-3. IV. bekkur A-lið.
Þeir sem léku í VI. bekkjar liðinu voru:
Ingimundur Árnason.
Guðmundur Tulinius.
Kristján Ólafsson.
Hannes Haraldsson.
Ingvar Viktorsson.
I. V.
108 MUNINN