Jólablað félagsins Stjarnan í austri. - 24.12.1918, Side 63

En sá kuldi! — Súgur svalur
sækir á um glugga’ og dyr,
glæða skal á öldnum arni
undir kaffi-tári hyr,
slitnum feldi’ að fótum sveipa,
flytja’ að borði gamlan stól,
hallast út af, horfa’ í ljósið,
halda svo með drengnum jól!
Ein með honum, — ó-nei, jólin
ein eg held með guði’ í kvöld.
— Banna mér að rekja ramma
rauna-þræði himinvöld.
— Brostin eina elli-stoðin,
einkasoninn geymir fold,
fallinn eins og hetja’ í hildi,
hulinn Frakklands göfgu mold!
Hinnsta hréfið, hinnstu kveðju
hans ég enn þá lesa vil.
Pað hef eg lesið þúsund sinnum
þegar ég við heiminn skil. —
Er hún saknæm eigingirni,
elskan mín og hjartasorg?
Pyrm mér, guð, í þínum dómi,
þegar eg kem að ljóssins borg!