Kirkjuritið - 01.02.1935, Page 37

Kirkjuritið.
Erlendar fréttir.
93
Heiðursgjöf.
Söfnuður Djúpavogssóknar færði sóknarpresti sínum, séra
Garðari Svafarssyni, og konu hans vandað útvarpsviðtæki í jóla-
gjöf. Var þeim gjöfin afhent, er komið var frá aftansöng á að-
tangadagskvöld.
Barnasamkomur í sveit.
Séra Óskar Þorláksson prófastur á Kirkjubæarklaustri, hefir
í vetur gengist fyrir samkomum fyrir börn í prestakalli sínu
og notið" til þess atbeina kvenfélaga. Samkomur þessar hafa
tekist prýðilega, og orðið börnunum bæði til gleði og upp-
byggingar.
Safnaðarfræðsla.
Valdimar Snævarr skólastjóri heldur áfram safnaðarfræðsl-
unni, sem hann byrjaði í fyrra, og sýnir jafnframt öðru hvoru
skuggamyndir. Aðsókn að erindum hans eykst jafnt og ])étt
og er gjörður að þeim hinn bezti rómur.
ERLENDAR FRÉTTIR.
Frá Noregi.
Helztu kirkjulegar fréttir þaðan eru frá Oxfordhreyfingunni.
Fraiik Buchman og 80 manna flokkur með honum hefir starf-
uð þar vikum saman undanfarið, í Osló og fleiri bæjum. Afar-
mikill fólksfjöldi hefir streymt að samkomum þeirra og orðið
i'yrir djúpum áhrifum. Er lýsing á stærstu samkomunni í ,,Ber-
linske Tidende“ á aðlangadag, rituð af sjónarvotti. Bregður sú
grein skýru ljósi yfir starfið í Noregi og fylgir því útdráttur
úr henni:
Mesta trúboðshúsið í Osló er troðfult af fólki, en margir
verða frá að hverfa. Gólf, svalir og göng eru alskipuð. Þarna
eru margir, sem aldrei munu áður hafa litið inn i trúboðshús,
°g heldur marglitur söfnuður. Dýrir loðfeldir hjá slitnum káp-
um og treyjum, fátækar verkakonur við hliðina á skrautbún-
um hefðarfrúm. Og það sem mesta undrun vekur: Hér er sæg-
ur af ungu fólki.