Kirkjuritið - 01.04.1942, Blaðsíða 34

136 B. T.: Á vígsludegi Akureyrark, April.
og fjárveitinganefnd Alþingis hefir sýnt glöggan skilning
og velvild í vorn garð. Húsameistari ríkisins hefir tekið
ástfóstri við málið og lagt sig fram um það, að kirkjan
mætti verða ekki einungis stærsta, heldur og fegursta
Guðs liús i lúterskum sið á Islandi. Þá hefir og hæjar-
stjórn Akureyrar veitt málinu liðsinni sitt, og er það á-
reiðanlega í samræmi við vilja safnaðarins.
Söfnuðurinn liefir skilið, að þetta er hans kirkja, þeirra,
er nú lifa, og óborinna kynslóða. Hann veit, að kirkjan
lifir og starfar, að hún stendur, hið mikla hellubjarg ald-
anna, þó að alt annað hreytist. Hann veit, að Guð er hinn
sami í gær, í dag og á morgun. Vér deilum um eitt og
annað og oft um keisarans skegg. Vér deilum um stjórn-
málastefnur og stjórnarform, og þó vitum vér, að mönn-
unum hefir enn ekki hugkvæmst neitt það stjórnarform,
sem líkindi eru til að átt geti jafnt við alla tíma og allar
þjóðir. Alt slíkt er miklum breytingum undirorpið. Hvert
tímaskeið prjónar sér sinn sérstaka ham, einn í þessu
landi og annan í hinu. En kirkjan er fulltrúi eilífðarinn-
ar. Meginsannindi hennar standa stöðug. Öll sannindi eru
tvennskonar, tímabundin og eilíf. Akureyrarsöfnuður hefii’
skilið þetta. Andstæðingar í stjórnmálum og öðrum jarð-
neskum efnum hafa tengdum liöndum unnið að því að
reisa musteri hinum eilífu sannindum, hinum lifanda Guði.
Þeir voru og eru sammála um meginatriðið, og vér von-
um, að það sé góðs viti.
Þessi kirkja er vigð á 26. sunnudag eftir Trinitatis, 17.
nóvembermánaðar 1940. Ég leit í almanakið um daginn
til þess að athuga ræðutextann þennan sunnudag. Hann
er tekinn úr Mattheusarguðspjalli og byrjar á orðunum:
„Ég þakka þér, faðir“. Ég veit, að minningar og vonir
þessa safnaðar í dag renna saman í þessari bæn. Og það
er trú vor, að hver sá, er af heilum hug getur þakkað
drotni allsherjar liandleiðslu hans á sér, á hverjum tíma,
fái með fögnuði ausið vatni af lindum hjálpræðisins.“
Guð blessi Akureyrar söfnuð. Brynleifur Tobíasson■