Kirkjuritið - 01.03.1944, Qupperneq 3

Kirkjuritifc.
Föstusálmur.
Nú hljóðni allur ys og þys
við alvörunnar mál,
og lát þú hvorki gys né glys
þig glepja, mannleg sál!
Þú kemur hér á helgan stað,
sem heimtar reikningsskil.
Ó, Guðs í nafni gæt þú að,
hvert gjald þú eigir til!
Hvað græddir þú á glaumsins stund?
Hvað galt þér heimurinn?
Hvort gafst þér lífsins gull í mund?
O. ger upp reikning þinn!
Þú vannst þér sjálfum alimörg ár, —
hvar er nú máli þinn?
Seg Guði ÖIl þín glöp og tár.
Ó, ger það, vinur minn!
Hvar er þitt skjól? Hvar er þitt hrós?
Hvort áttu nokkuð til?
Bið Jesúm Krist um leiðarljós
og líkn við hinnztu skil.
Hann kallar þig — ó, kom til hans!
Fel Kristi allt þitt ráð;
því fyrir dauða frelsarans
þér fullri er heitið náð.
Svo þagni hávær heimsins þys,
en hljómi lífsins mál.
Þig framar tæli’ ei glaumsins glys, —
ó, gæt þín, breyzka sál!
Vald. F. Snœvarr.