Kirkjuritið - 01.01.1955, Blaðsíða 12

Til kirkjufundar og biskupsvígslu.
Það er tvennt ólíkt, finnst mér, að ferðast, þegar nægur
tími er til stefnu, eða þegar allt er komið í eindaga. Annað
er skemmtun, hitt erfiði.
Stjórnarfundur átti að hefjast í Sigtúnum kl. 11 að morgni
þriðjudaginn 23. nóvember, en um nón daginn fyrir var enn
ókomin frá Ameríku flugvélin, sem ég átti að fara með.
Nokkru síðar kom vélin, og skömmu eftir miðaftan var
hún lögð af stað áleiðis til Oslóar, og við kvöddum ljósadýrð
Reykjavíkur.
Eftir 7 stundir vorum við í Osló og skiptum þar um vél.
Sú var lítil, sem við fengum, en hún klauf loftið af miklum
dugnaði engu að síður, svo að klukkan að ganga 7 vorum við
á flugvellinum í Gautaborg, eða 1—2 stundum áður en flug-
vél færi þaðan til Stokkhólms. Voru nú allar horfur á, að ég
næði fundinum í tæka tíð með því að fá mér bíl beina leið
af flugvellinum til Sigtúna.
Um kl. 9.30 lentum við á Bromma-flugvellinum fyrir norðan
Stokkhólm. Var þar þá fyrir vinur minn, dr. Harry Johans-
son, í bíl sínum. En hann er framkvæmdastjóri Kirknasam-
bands Norðurlanda. Svo að ekki gat fundurinn hafizt fyrr en
hann kæmi. Við ókum hratt innan um fallega skógarlundi, og
bar hvít tré unaðslega við barrtrén grænu, og enn sló grænum
lit á flatir. Klukkan var stundarfjórðung yfir 11, þegar við
komum til Sigtúnastofnunarinnar. Og eftir andartak var ég
kominn inn í fundarsalinn. Sögðu fundarmenn, að þetta gæti
ekki talizt óstundvísi af þeim, sem kominn væri utan af íslandi.
Danirnir komu einnig í þessu.
Formaður stjórnar Kirknasambandsins er Manfred Björk-
quist biskup, sem lét af biskupsembætti í Stokkhólmsstifti 1.
október síðastliðinn, mikill íslandsvinur og mörgum íslending-
um að góðu kunnur. Hann kom til íslands sumarið 1950, og