Kirkjuritið - 01.01.1955, Blaðsíða 42

40
KIRKJURITIÐ
prófastur hefir unnið þar, að þýða og semja alla textana.
semja eitt lagið sjálfur, teikna nótna-handritið og búa það að
öllu leyti undir ljósprentun, að kápunni meðtaldri. — þetta
hefir verið mikið og vandasamt verk, en tekizt með miklum
ágætum.
Það er einnig auðséð, að séra Friðrik er bæði gott ljóðskáld
og menntaður tónlistarmaður og tónskáld.
Séra Friðrik A. Friðriksson, prófastur og söngstjóri, hefir
ásamt konu sinni, frú Gerthrud Friðriksson, kirkjuorganleik-
ara, unnið ómetanlega mikið og gott söngmenningarstarf á
Húsavík í meira en 20 ár. — Hafa þau æft með hinum góðu
kórum á Húsavík mikið af úrvals lögum, sem hafa vakið
hrifningu áheyrenda.
Mér er kunnugt um, að séra Friðrik hefir efni í 15—20
álíka stór hefti eins og hér um ræðir, þ. e. safn erlendra laga,
sem eru allflest ókunn hér á landi, og hefir séra Friðrik þýtt
textana.
Hið nýútgefna hefti er því aðeins sýnishorn, en er, eins og
áður er lýst, verulega eiguleg og kærkomin útgáfa úrvalslaga
og ágætra texta, sem kórarnir munu gleðjast yfir að fá til
æfinga.
Ánægjulegt væri, að þetta 1. hefti seldist svo vel, að séra
Friðrik sæi sér fært að gefa út fleiri hefti strax næsta ár.
Því þessi lög, sem hann hefir heyrt og safnað að sér á hinum
mörgu ferðum sínum víðs vegar um Ameríku og Evrópu, og
hann hefir orðið svo hrifinn af, að hann hefir lagt í það
að þýða textana, eru áreiðanlega ómetanlegur fengur fyrir ís-
lenzka kórastarfsemi og söngmenningu.
Mjög væri það æskilegt, að í næsta hefti yrði safn af helgi-
söngvum (anthems), sem ég veit að kirkjukór Húsavíkur hefir
sungið og hafa orðið mjög vinsæl hjá áheyrendum. —
Efast ég ekki um, að hinir mörgu kirkjukórar myndu kaupa
það hefti mjög mikið. Það er sannfæring mín, að kórar landsins
muni sækjast eftir þessum heftum jafnóðum og þau koma út.
Þakka ég svo séra Friðrik A. Friðrikssyni prófasti og söng-
stjóra og kirkjukór Húsavíkur og karlakómum ,,Þrymi“ fyrir
hina ágætu útgáfu, og hlakka til að sjá áframhaldið.
SigurSur Birkis.