Kirkjuritið - 01.05.1956, Blaðsíða 16

206
KIRKJURITIÐ
IV.
Ef lagt er til grundvallar, að lestur barna og unglinga á um-
ræddum ritum sé þeim svo skaðlegur, að nauðsynlegt sé að veita
viðnám og gera ráðstafanir til að koma í veg fyrir þá hættu,
sem af því stafar, þá verður næsta spurning, hvaða leið eða leið-
ir séu heppilegar eða færar. í því sambandi hafa margir mögu-
leikar verið ræddir, og í sumum löndum liefir þegar verið sett
löggjöf um sérstakar ráðstafanir í þessu skyni, eins og áður var
drepið á. Ég mun nú í stuttu máli nefna þær leiðir, sem helzt
hafa þótt koma til greina.
Oft heyrist sagt, að það sé á verksviði foreldra og skólakenn-
ara að vernda börn fyrir óhollum áhrifum af lestri siðspillandi
rita. Auðvitað ber foreldrum og kennurum að gera það, sem
þeim er unnt í þessu efni. En geta þeirra nær skammt, ef ritin
eru í umferð í stórum stíl og hvarvetna fáanleg. Börn og ungling-
ar mundu þá venjulega eiga auðvelt með að ná í þau, a. m. k.
í kaupstöðunum, og gætu látið þau ganga á milli sín í laumi. Af
sömu ástæðum má ætla, að bann við sölu á ritunum til barna
og unglinga innan tiltekins aldurs mundi koma að litlu gagni.
Ymsir hafa lagt það til, að hafinn yrði sterkur áróður gegn sið-
spillandi ritum, ef til vill með aðstoð ríkisvaldsins. Sú leið gæti
sjálfsagt orðið að nokkrum notum, einkum í sambandi við aðrar
virkar ráðstafanir.
Þá hefir þótt æskilegt, að útgefendur bóka og bóksalar gengj-
ust fyrir því með frjálsum samtökum, að glæparitum væri út-
rýmt af bókamarkaðinum, t. d. þannig, að þeir neituðu að gefa
út eða selja rit, sem sérstök nefnd, kosin af þeim, teldi óhæf til
dreifingar. Eins og áður var nefnt, munu bóksalar hér á landi
hafa ákveðið að flytja ekki inn amerísku glæpamyndaheftin.
Þessi leið gæti orðið áhrifarík, þó að ekki sé þess að vænta, að
hún yrði einhlít.
Sú leið hefir einnig verið nefnd, að ríkið ætti að gangast fyrir
eða stuðla að útgáfu góðra og hollra bóka, þar á meðal mynda-
söguhefta, sem börn og unglingar gætu fengið lánuð frá skóla-
bókasöfnum. Við það mundi draga úr eftirsókn þeirra eftir