Kirkjuritið - 01.05.1956, Qupperneq 42
Avarp iil Úslmdinga
Áfengisnautnin er í dag eitt mesta vandamál flestra þjóða heims. Af
völdum áfengis deyja árlega tugþúsundir manna, áfengið hefir gert margar
milljónir manna að andlegum og líkamlegum aumingjum, áfengið er und-
irrót afbrota í stórum stíl. Það eyðileggur lífshamingju milljón manna
og grefur undan siðgæði og manndómi æskulýðsins. Árlegt tjón mannkyns-
ins af völdum áfengis verður ekki metið til fjár.
Áfengisbölið er eigi síður vandamál íslenzku þjóðarinnar en annarra
þjóða. Til að afsaka andvaraleysi í áfengismálunum er að vísu oft á það
bent, að margar þjóðir drekki meira en íslendingar. Sú röksemd er harla
léttvæg, því að fordæmi annarra eru þá aðeins til eftirbreytni, að þau hvetji
til framfara og aukins þroska. íslendingar eru smáþjóð, en með því að
rækta með sér menningu, siðgæði og manndóm getur hún orðið jafnoki
stórþjóða og jafnvel staðið þeim miklu framar í öllum efnum, sem gefa
lífinu mest gildi. Sú menningarsókn mun þó reynast torveld, ef vér vörpum
ekki áfenginu fyrir borð.
Hvarvetna blasir við augum vorum það mikla tjón, sem áfengið veldur
þjóð vorri. Alvarlegust er vaxandi áfengisnautn æskulýðsins. Margur mann-
vænlegur æskumaður eyðileggur glæstar framtiðarhorfur. Samkvæmislífið
er spillt. Ölvun ökumanna veldur árlega mörgum slysum. Flest afbrot eru
framin undir áhrifum áfengis. Margvíslegt siðleysi fyigir í kjölfar drykkju-
skaparins. Mörg heimili eru lögð í rústir.
Þetta er ekki falleg mynd, en hún er því miður sönn. íslenzka þjóðin
hefir ekki efni á að fórna manndómi og siðferði bama sinna á altari Bakk-
usar. Þjóðin verður að snúa sér af alvöru að því að uppræta áfengisbölið
og ómenningu drykkjuskaparins.
Með stofnun Landssambandsins gegn áfengisbölinu hafa öll helztu menn-
ingarsamtök þjóðarinnar tekið höndum saman í því skyni að vinna gegn hin-
um skaðlegu áhrifum áfengisnautnarinnar og glæða skilning alþjóðar á þvi
alvarlega böli, sem áfengið veldur. Tuttugu og tvö félagssambönd hafa
gerzt aðilar að Landssambandinu gegn áfengisbölinu, og er meiri hluti
þjóðarinnar innan þessara samtaka. Landssambandið gegn áfengisbölinu er
þannig langfjölmennustu félagssamtök, sem stofnað hefir verið til hér a
landi.