Nýjar kvöldvökur - 15.05.1928, Qupperneq 18

48
NYJAR KVÖLDVÖKUR
1 Buckingham Palace býr konungurinn, en af þvi
að hinar stærri heimsóknir hjá konunginum fara
frain i St. James Palace, kalla menn oft og einatt
ensku hirðina „hirðin í St. Jarnes". Mikill hluti af
fbúum London eru útlendingar. Það er varla sá
kynþáttur, þjóð eða húðlitur eða það tungumál, að
það sje ekki til þar. í London eru fieiri Gyðingar
en í Gyðingalandi, fleiri kaþólskir en í Róm. Hin
afskaplega umferð er að nokkru leyti með neðan-
jarðar-brautum og að mjög miklu leyti á almenn-
ingsvögnum. Menn hafa kallað almenningsvagn-
inn í London „úlfaldann í steineyðimörkinni“.
Pað er fyrst getið um London árið 61 e. Kr og
kölluð Londonium. Hún var þá rómverskar her-
búðir. 872 höfðu danskir víkingar þar vetursetu,
886 endurbygði Alfred konungur hinn mikli borg-
ina og 1066 var Vilhjálmur sigursæli krýndur i
Westminster. Hann bygði kastalann „Tower".
Drepsóttir og stórkostlegir eldsvoðar hafa heim-
sótt London. En þrátt fyrir það hefir hún vaxið
stórkostlega. Síðan 1841 hefir borgin vaxið um
ca. 6 milj. íbúa. Meðan Paris ginnir fólk til sín
með skemtunum og glaðværð, setjast menn að í
London í von uin atvinnu og gróða. í stjórnmála-
legu tilliti er London, siðan heimsstyrjöldin var,
orðin miðdepill Evrópu enn frekar en áður var.
■-*---
ÝMISLEGT.
Hinn frægi írski rithöfundur, Bernhard Shaw,
sem einnig hefir hlotið Nobels-verðlaunin, er mjög
hrifinn af Strindberg. Segir hann eftirfarandi sögu
af hinu inerka sænska skáldi:
Einu sinni heimsótti Shaw og kona hans Strind-
berg í Stokkhólmi. í fyrstu var Strindberg mjög
'þur á manninn og orðfár, en smátt og smátt rætt-
ist úr honum. Hann vildi helst tala þýsku, því að
Shaw og kona hans kunnu ekki sænsku. Brátt
voru þeir niðursokknir í samræður sínar. En alt
i einu breyttist svipur Strindbergs. Hann dró úr
sitt upp úr vasa sínuin, leit á það og mælti með
hátíðlegri röddu: „Um zwei Uhr werde ich krank
sein!“ (klukkan tvö verð jeg veikur). Shaw ætl-
aði ekki að trúa eyrum sínum, en af því að klukk-
an var þá orðin fjórðung yfir eitt og Strindberg
virtist vera ákveðinn að verða veikur klukkan
tvö, urðu þessir gestir hans að yfirgefa hið sjer-
vitra skáld.
„Konungur konunganna" er atvinnulaus, en ekki
peningalaus. Pað er uppgjafa-Shahen af Persíu,
Ahmad Mirza, sem hjer er átt við. Honuin var
steypt af stóli 1925 vegna þess, að honuin fjell
betur að vera í París en sinna stjórnarstörfum
heiina. Hefir hann því, eins og svo margir aðrir
furstar, sem steypt hefir verið af stóli, eignast
annað föðurland í Frakklandi. Ahmad Mirza er í
miklu uppáhaldi í skemtistöðuin Parísar. Fje það,
sem hann hefir tapað i spilum, er áætlað að muni
nema alt að 12 milj. króna, og til mannfagnaðar
á skemtiskútu sinni hefir Mirza eytt 4 milj. kr,
Að hann er i svo miklu afhaldi stafar ekki ein-
ungis af þvi, hve gagnteknir menn eru af honum
sjálfum, heldur einnig af þvi, að hann hefir með
sjer gimsteina, sem námu að upphæð 800 milj.
króna. Meðal þeirra er „Stórmongólinn", sem tal-
inn er að vera fegursti gimsteinn heimsins. Síðan
Mirza kom til Parisar hefir hann, að sögn, sel
mikið af gimsteinum sinum eða gefið þá vinum
og kunningjum. Að þvi leyti líkist hann hinum
fræga afa sínum, Mozaffer-ed Din, sem, þegar
hann heimsótti París fyrir nokkrum árum síðan,
varð mjög hrifinn yfir undrun þeirri, er gimsteinar
hans vöktu meðal vina hans þar. „Reyndu einn
af þessum hjerna,“ mælti hann oft og rjetti við-
komanda til eignar skínandi gimstein.