Sjómannadagsblaðið - 03.06.1945, Qupperneq 66

Myndir frá Sjómannadags-
hótíðahöldunum ó Ákranesi
Hámark hátíðahaldanna á Akranesi var það, er
sjómannasamtökin þar og ýmsir aðrir, er að því
unnu, afhentu Akraneskaupstað veglega sundlaug
að gjöf.
En þessir aðilar voru stjórn Minningarsjóðs
Bjarna Ólafssonar skipstjóra, skipstjórafélagið
„Hafþór“, Sjómanna- og vélstjóradeild Verkalýðs-
félags Akraness, er höfðu bundizt samtökum til
þess að koma upp fullkominni sundlaug með til-
heyrandi böðum og útbúnaði.
Var fjársöfnun hafin í sambandi við Sjómanna-
daginn og gekk hún ákaflega vel, þar sem almenn-
ur og ríkur áhugi var fyrir því að þetta mætti
takast sem fyrst. Ofannefndir aðilar kusu fram-
kvæmdanefnd, sem þessir menn áttu sæti í:
Frá Menningarsjóði Bjarna Ólafssonar: Ól. B.
Björnsson, Níels Kristmannsson* Þórður Ás-
mundsson ag síðar Júlíus Þórðarson.
Fyrir sjómannadeildina: Guðmundur Svein-
björnsson. Fyrir vélstjóradeildina: Gunnar Guð-
mundsson og fyrir skipstjórafélagið „Hafþór“:
Axel Sveinbjörnsson.
Nefndinni fannst tímabært að hefja bygging-
una vorið 1943. Laugin var vígð á Sjómannadag-
inn 4. júní kl. 4 e. h. að viðstöddu mjög miklu
fjölmenni. Laugin var vígð með því, að 3 sjó-
menn í fullum sjóklæðum stungu sér og syntu
yfir hana. Það, sem sérstaklega einkennir laug
þessa er það, að hún er fyrsta laug hér á landi,
sem hefur áhorfendasvæði.
Myndirnar sýna vígslu laugarinnar og annað ,
sambandi við þessi hátíðahöld.
46 SJÓMANNADAGSBLAÐIÐ
J